ଏହି କାରଣରୁ ବିବାହର ୫ବର୍ଷ ପରେ ଭିଡିଓ ସେୟାର କଲେ ଦୀପବୀର
ମୁମ୍ବାଇ: ନଭେମ୍ବର ୨୦୧୮ରେ ବିବାହ ବନ୍ଧନରେ ବାନ୍ଧି ହୋଇଥିଲେ ବଲିଉଡ ଅଭିନେତା ରଣବୀର ସିଂହ ଓ ଅଭିନେତ୍ରୀ ଦୀପିକା ପାଦୁକୋନ | ଇଟାଲିର ଲେକ୍ କୋମୋଠାରେ ଦୁହିଁଙ୍କ ବିବାହ ହୋଇଥିଲା | ଏବେ ବିବାହକୁ ୫ବର୍ଷ ପୂରି ସାରିଥିବା ବେଳେ ଦୁହେଁ କିଛି ଦିନ ତଳେ ବିବାହର ଭିଡିଓ ସେୟାର କରିଥିବା ଦେଖାଯାଇଥିଲା | ଏତେ ବିଳମ୍ବରେ ଦୁହେଁ କାହିଁକି ବିବାହର ଭିଡିଓ ସେୟାର କଲେ ସେ ନେଇ ଚର୍ଚ୍ଚା ଚାଲିଥିବା ବେଳେ ଏବେ ଏହାର କାରଣ ସାମ୍ନାକୁ ଆସିଛି |
Sambad is now on WhatsApp
Join and get latest news updates delivered to you via WhatsApp
ବିବାହରେ ଭିଡିଓ ସୁଟ କରିଥିବା ବିଶାଲ ପଞ୍ଜାବୀ ଏହା କାରଣ ପ୍ରକାଶ କରିଛନ୍ତି। ସେ କହିଛନ୍ତି ଯେ କିଛି ଲୋକ ନଜର ଲାଗିଯିବା କଥାକୁ ବିଶ୍ୱାସ କରନ୍ତି | ସେମାନଙ୍କୁ ଲାଗେ ଯେ, ଯଦି ଆମେ ଆମର ବ୍ୟକ୍ତିଗତ ଜିନିଷକୁ ଲୋକଙ୍କ ସହ ସେୟାର କରିବା ତେବେ ନଜର ଲାଗିଯିବ | ବୋଧହୁଏ ଏହି କାରଣରୁ ରଣବୀର-ଦୀପିକାଙ୍କୁ ବିବାହ ଭିଡିଓ ସେୟାର କରିବାକୁ ଏତେ ସମୟ ଲାଗିଲା | ମୋତେ ଲାଗୁଥିଲା ସେ କେବେ ବି ଭିଡିଓ ସେୟାର କରିବେ ନାହିଁ | ହେଲେ ଶେଷରେ ସେ ସେୟାର କଲେ |
ତେବେ ଇଟାଲୀରେ ବିବାହ କରିବା ପରେ ଦୁହେଁ ଭାରତରେ ବିବାହ ଭୋଜି ଦେଇଥିଲେ, ଯାହାର କିଛି ଫଟୋ ଖୁବ ଭାଇରାଲ ହୋଇଥିଲା | ସୂଚନା ମୁତାବକ, ରଣବୀର-ଦୀପିକାଙ୍କ ବ୍ୟତୀତ ବିରାଟ-ଅନୁଷ୍କା ଓ ସିଦ୍ଧାର୍ଥ-କିଆରାଙ୍କ ବିବାହର ଭିଡିଓ ରେକର୍ଡ କରିଥିଲେ ବିଶାଲ |