ତ୍ରୁଟିପୂର୍ଣ୍ଣ ମୋତିଆବିନ୍ଦୁ ଅସ୍ତ୍ରୋପଚାର ହେତୁ ୧୫ ଜଣଙ୍କର ଆଖି ନଷ୍ଟ, ହସ୍ପିଟାଲ କର୍ତ୍ତୃପକ୍ଷଙ୍କ ବିରୋଧରେ ମାମଲା ରୁଜ୍ଜୁ
ଇନ୍ଦୋର : ତ୍ରୁଟିପୂର୍ଣ୍ଣ ମୋତିଆବିନ୍ଦୁ ଅସ୍ତ୍ରୋପଚାର ସମୟରେ ସଂକ୍ରମଣ ଯୋଗୁଁ ୧୫ ଜଣ ରୋଗୀଙ୍କର ଗୋଟିଏ ଲେଖାଏଁ ଆଖି ନଷ୍ଟ ହୋଇଥିବାର ଖବର ମିଳିଛି। ଏହି ଘଟଣା ସାମ୍ନାକୁ ଆସିବା ପରେ ହସ୍ପିଟାଲ କର୍ତ୍ତୃପକ୍ଷ ୨ ଜଣ ବରିଷ୍ଠ ଅଧିକାରୀଙ୍କ ବିରୋଧରେ ଅପରାଧିକ ମାମଲା ରୁଜ୍ଜୁ କରିଥିବା ଜଣାଯାଇଛି । ଏହି ଦୁଇ ଅଧିକାରୀ ହେଲେ ଏମଓଜି ଲାଇନସ୍ଥିତ ଇନ୍ଦୋର ଚକ୍ଷୁ ଚିକିତ୍ସାଳୟର ନିର୍ଦ୍ଦେଶକ ସୁଧୀର ମହାଶବ୍ଦେ ଓ ଚିକିତ୍ସା ଅଧୀକ୍ଷକ ସୁହାସ ବାଣ୍ଡେ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଇନ୍ଦୋରର ଚକ୍ଷୁ ଚିକିତ୍ସାଳୟରେ ଅଗଷ୍ଟ ୫ରେ କରାଯାଇଥିବା ମୋତିଆବିନ୍ଦୁ ଅସ୍ତ୍ରୋପଚାରର ପର ଦିନ ଅର୍ଥାତ ଅଗଷ୍ଟ ୬ ତାରିଖରେ ୪ ଜଣ ରୋଗୀ ଦୃଷ୍ଟିଶକ୍ତି ହରାଇବା ନେଇ ଅଭିଯୋଗ କରିଥିଲେ । ଅଗଷ୍ଟ ୮ରେ ଶିବିର ଆୟୋଜନ କରି ପୁଣି ୧୪ ଜଣଙ୍କର ଅସ୍ତ୍ରୋପଚାର କରାଯାଇଥିଲା । ଚକ୍ଷୁ ସଂକ୍ରମଣ ଯୋଗୁଁ ରୋଗୀମାନେ ଦୃଷ୍ଟିଶକ୍ତି ହରାଇଥିବାର ଅଭିଯୋଗ ହୋଇଥିଲା ।
ଜିଲ୍ଲା ପ୍ରଶାସନ ୩ ଜଣିଆ ତଦନ୍ତ କମିଟି ଜରିଆରେ ଏହି ଘଟଣାର ତଦନ୍ତ ଲାଗି ନିର୍ଦ୍ଦେଶ ଦେଇଥିବା ଜଣାଯାଇଛି ।