ଯାନ୍ତ୍ରିକ ତ୍ରୁଟି , ଓଡ଼ିଶାରୁ ଚେନ୍ନାଇ ଯାଉଥିବା ବାୟୁସେନା ହେଲିକାପ୍ଟରର ଜରୁରୀ ଅବତରଣ
ସୋମପେଟା (ଶ୍ରୀକାକୁଲମ): ବିଗତି କିଛି ଦିନ ଧରି ଭାରତୀୟ ବାୟୁସେନାର ବିମାନ ଦୁର୍ଘଟଣା ବା ଯାନ୍ତ୍ରିକ ତ୍ରୁଟି ନିୟମିତ ହୋଇଗଲାଣି । ଦୁଇଦିନ ତଳେ ଓଡ଼ିଶାର ମୟୁରଭଞ୍ଜ ଜିଲ୍ଲାରେ ବାୟୁସେନାର ଏକ ତାଲିମ ବିମାନ ଦୁର୍ଘଟଣାଗ୍ରସ୍ତ ହେବାପରେ ଆଜି ଏକ ହେଲିକାପ୍ଟରରେ ଯାନ୍ତ୍ରିକ ତ୍ରୁଟି ଦେଖାଦେଇଛି । ଫଳରେ ଏହା ଆନ୍ଧ୍ରପ୍ରଦେଶର ଶ୍ରୀକାକୁଲମ ଜିଲ୍ଲାର ସୋମପେଟାଠାରେ ଜରୁରୀକାଳୀନ ଅବତରଣ କରିଛି । ଏହି ହେଲିକାପ୍ଟରରେ ୩ଜଣ ବାୟୁସେନା କର୍ମଚାରୀ ଥିଲେ ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଆଜି ଅପରାହ୍ନରେ ଏହି ହେଲିକାପ୍ଟରଟି ଓଡ଼ିଶାର ଗୋପାଳପୁରରୁ ଚେନ୍ନାଇ ଅଭିମୁଖେ ଯାଉଥିବାବେଳେ ଯାନ୍ତ୍ରିକ ତ୍ରୁଟି ଦେଖାଦେଇଥିଲା । ହେଲିକାପ୍ଟରଟି ଗୋପାଳପୁର ଛାଡିବାର ମାତ୍ର ୧୫ରୁ ୨୦ ମିନିଟ ମଧ୍ୟରେ ପାଇଲଟ ଯାନ୍ତ୍ରିକ ତ୍ରୁଟି ବିଷୟରେ ଜାଣିପାରିଲେ । ଫଳରେ ପାଇଲଟ ବାଧ୍ୟ ହୋଇ ଶ୍ରୀକାକୁଲମ ଜିଲ୍ଲାର ସୋମପେଟା ଗ୍ରାମରେ ଏକ ବିଲରେ ଜରୁରୀକାଳୀନ ଅବତରଣ କରିଥିଲେ । ପରେ ବିଶାଖାପାଟଣାରୁ ବାୟୁସେନାର ଏକ ଇଂଜିନିୟରିଂ ଆଉ ଏକ ହେଲିକାପ୍ଟରରେ ଟିମ ଘଟଣାସ୍ଥଳରେ ପହଞ୍ଚିବା ପରେ ତ୍ରୁଟି କୁ ସଜଡ଼ାଯାଇଥିଲା । ଏହା ପରେ ସଂଧ୍ୟା ୫ଟା ୩୦ ବେଳକୁ ହେଲିକାପ୍ଟରଟି ଆଉ ଚେନ୍ନାଇ ନ ଯାଇ ଗୋପାଳପୁର ଫେରିଆସିଛି ।