ଅନ୍ତର୍ଜାତୀୟ ମହିଳା ଦିବସ ଅବସରରେ ଆଗ୍ରାରୁ ଦିଲ୍ଲୀ ଆସୁଥିବା ମେମୁ ଟ୍ରେନ୍ର ସଞ୍ଚାଳନ ଦାୟିତ୍ୱରେ ଥିଲେ ୮ଜଣ ମହିଳା କର୍ମଚାରୀ
ଆଗ୍ରା : ଶୁକ୍ରବାର ସାରା ବିଶ୍ୱରରେ ଅନ୍ତର୍ଜାତୀୟ ମହିଳା ଦିବସ ପାଳନ କରାଯାଇଥିଲା । ଏହି ଦିନ ମହିଳାମାନଙ୍କୁ ସମ୍ମାନ ଏବଂ ସମ୍ବର୍ଦ୍ଧନା ମଧ୍ୟ ଦିଆଯାଇଥିଲେ । ଅନ୍ତର୍ଜାତୀୟ ମହିଳା ଦିବସକୁ ପାଳନ କରିବା ପାଇଁ ଆଗ୍ରା ରେଲେଓ୍ଵ ଡିଭିଜନ ମଧ୍ୟ ଏକ ଭିନ୍ନ ଉପାୟ ଆପଣାଇଥିଲା ବୋଲି ଜଣା ପଡ଼ିଛି । ଏହି ଦିନ ଆଗ୍ରା ରେଲେଓ୍ଵ ଡିଭିଜନ ପୂରା ଟ୍ରେନ୍ର ସଞ୍ଚଳାନ ଦାୟିତ୍ୱ ୮ ମହିଳା କର୍ମଚାରୀଙ୍କୁ ଦେଇଥିଲେ । ସେମାନଙ୍କୁ ସମ୍ମାନ ଏବଂ ସେମାନଙ୍କ କାର୍ଯ୍ୟଦକ୍ଷତାକୁ ପ୍ରମାଣ କରିବା ପାଇଁ ଏଭଳି କରିବାର ନିଷ୍ପତି ନେଇଥିଲା ଆଗ୍ରା ରେଲେଓ୍ଵ ଡିଭିଜନ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୧୦ଟି ବଗି ବିଶିଷ୍ଟ ମେମୁ ଟ୍ରେନ୍ ସମୟ ପ୍ରାୟ ଅପରାହ୍ନ ୪ଟା ୧୫ମିନିଟ୍ରେ ଆଗ୍ରାରୁ ଦିଲ୍ଲୀ ଅଭିମୁଖେ ଯାତ୍ରା ଆରମ୍ଭ କରିଥିଲା । ଏହି ଟ୍ରେନ୍ର ସଞ୍ଚାଳନ ଦାୟିତ୍ୱରେ ୮ଜଣ ମହିଳା କର୍ମଚାରୀ ରହିଥିଲେ । ସେମାନଙ୍କ ମଧ୍ୟରେ ୩ଜଣ ଟିଟିଇ, ୩ଜଣ ଆର୍ପିଏଫ୍ କନେଷ୍ଟବଳ, ଜଣେ ଟ୍ରେନ୍ ଚାଳକ ଏବଂ ଜଣେ ଗାର୍ଡ ଥିଲେ ବୋଲି ଜଣା ପଡ଼ିଛି । ଆଗ୍ରାର ଅତିରିକ୍ତ ଡିଭିଜନ ରେଳ ପ୍ରବନ୍ଧକ ଦିଲୀପ କୁମାର ସିଂହଙ୍କ କହିବା ଅନୁଯାୟୀ, ଆମେ ମହିଳା ଏବଂ ପୁରୁଷମାନଙ୍କ ମଧ୍ୟରେ କେବେ ବି ପାର୍ଥକ୍ୟ କରି ନାହୁଁ । ସେମାନେ ନିଜ ନିଜର କାମ ଖୂବ୍ ଦାୟିତ୍ୱର ସହ କରିଥାନ୍ତି । ଶୁକ୍ରବାର ମଧ୍ୟ ମେମୁ ଟ୍ରେନ୍ର ସଞ୍ଚାଳନ ଦାୟିତ୍ୱ ୮ଜଣ ମହିଳା କର୍ମଚାରୀଙ୍କୁ ଦିଆ ଯାଇଥିଲା ଏବଂ ସେମାନେ ନିଜ ନିଜର କାମ ସୂଚାର ରୁପେ ତୁଲାଇ ଥିଲେ ।