ବାଂଲାଦେଶୀ ଯବାନମାନେ ଜାଣିଶୁଣି ବିଏସଏଫ ଉପରକୁ ଗୁଳି ଚଳାଇଥିଲେ : ବିଏସଏଫ
ନୂଆଦିଲ୍ଲୀ : ବାଂଲାଦେଶ ସୀମା ସୁରକ୍ଷା ବାହିନୀ ବିଜିବି ଗୁଳିରେ ଭାରତୀୟ ସୀମା ସୁରକ୍ଷା ବଳ (ବିଏସଏଫ) ଯବାନ ସହିଦ ହେବା ଘଟଣାର ତଦନ୍ତ ରିପୋର୍ଟ ଆସିଛି । ବିଏସଏଫ ଦ୍ୱାରା କରାଯାଇଥିବା ଏହି ତଦନ୍ତରୁ ଜଣାପଡିଛି ଯେ ଗୁଳି ମାରିବାକୁ ଯୁକ୍ତିଯୁକ୍ତ ଦର୍ଶାଇବା ପାଇଁ ବିଜିବି ଯେଉଁ କାରଣ ଦର୍ଶାଉଛି ତାହା ସତ୍ୟ ନୁହେଁ । କୌଣସି କାରଣ ନଥାଇ, କୌଣସି ଉତ୍ତେଜନା ନଥାଇ ଜାଣିଶୁଣି ବାଂଲାଦେଶ ଯବାନମାନେ ଏହି ଗୁଳି ଚଳାଇଥିଲେ ବୋଲି ତଦନ୍ତ ରିପୋର୍ଟରୁ ଜଣାପଡିଛି । ବିଏସଏପ ଯବାନମାନେ ମନଇଚ୍ଛା ବାଂଲାସୀମାରେ ପ୍ରବେଶ କରିନଥିଲେ, ବାଲାଂଦେଶ ବିଜିବିଙ୍କ ଅନୁମତି ନେଇ ଏକ ବୈଠକ କରିବାକୁ ସେମାନେ ପ୍ରବେଶ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଗତ ୧୭ ତାରିଖ ଦିନ ବିଜିବି ଗୁଳିରେ ଭାରତର ସୀମା ସୁରକ୍ଷା ବାହିନୀ(ବିଏସଏଫ)ର ଜଣେ ଯବାନ ହେଡ କନଷ୍ଟେବଲ ବିଜୟ ଭାନ ସିଂ ସହିଦ ହୋଇଥିଲେ । ଅନ୍ୟ ଜଣେ ଯବାନ ଆହତ ମଧ୍ୟ ହୋଇଥିଲେ । ବିଜିବି ଦ୍ୱାରା ଗିରଫ ହୋଇଥିବା ୩ ଜଣ ଭାରତୀୟ ମତ୍ସଜୀବିଙ୍କୁ ମୁକ୍ତ କରିବା ଲାଗି ଡକାଯାଇଥିବା ଏକ ଫ୍ଲାଗ ମିଟିଂରୁ ଫେରୁଥିଲେ ବିଏସଏଫର ଏକ ୬ ଜଣିଆ ଦଳ । ପଛରୁ ହିଁ ବିଜିବି ଯବାନ ଗୁଳି କରିବାରୁ ଘଟଣା ସ୍ଥଳରେ ସିଂଙ୍କ ମୃତ୍ୟୁ ହୋଇଥିଲା ।