ଭାରସାମ୍ୟ ହରାଇ ଘାଟି ତଳକୁ ଖସିପଡିଲା କାର୍, ୫ଜଣଙ୍କର ମୃତ୍ୟୁ
ଡେରାଡୁନ : ଉତ୍ତରାଖଣ୍ଡରେ ଘଟିଛି ଏକ ମର୍ମନ୍ତୁଦ ଦୁର୍ଘଟଣା। ଏହି ରାଜ୍ୟର ଡେରାଡୁନ କାଲସୀ-ଚକରତା ମୋଟର ମାର୍ଗରେ ଥିବା ଚାମଡ ଖୀଲ ନିକଟରେ ଏକ କାର ଭାରସାମ୍ୟ ହରାଇ ଘାଟି ତଳକୁ ଖସିପଡିଥିବା ଜଣାଯାଇଛି । ଏହି ଦୁର୍ଘଟଣା ଘଟିବା ଫଳରେ କାର ଭିତରେ ଥିବା ସମସ୍ତ ୫ଜଣଙ୍କର ମୃତ୍ୟୁ ଘଟିଛି ।
Sambad is now on WhatsApp
Join and get latest news updates delivered to you via WhatsApp
ଏହି ଖବର ପ୍ରଚାରିତ ହେବା ପରେ ସ୍ଥାନୀୟ ପୁଲିସ ଏବଂ ଏନଡିଆରଏଫ ଟିମ୍ ଉଦ୍ଧାର କାର୍ଯ୍ୟ ଆରମ୍ଭ କରିଥିବା ଜଣାଯାଇଛି । ସେମାନେ ମୃତ ଦେହଗୁଡ଼ିକୁ ବାହାରକୁ ଆଣିବା ରେ ସଫଳ ହୋଇଛନ୍ତି । ସଦ୍ୟତମ ସୂଚନା ଅନୁଯାୟୀ ଏଯାଏଁ ଦୁଇଟି ମୃତଦେହକୁ ଉଦ୍ଧାର କରାଯାଇଛି । ତେବେ ମୃତକଙ୍କ ପରିଚୟ ମିଳିପାରି ନାହିଁ ।
ଏହି ଦୁର୍ଘଟଣା ଗତକାଲି ରାତିରେ ଘଟିଥିବା କୁହାଯାଉଛି । କିନ୍ତୁ ଆଜି ସକାଳେ ସ୍ଥାନୀୟ ଲୋକେ ଘାଟି ତଳେ ଏକ କାର ପଡିଥିବା ଦେଖିବାକୁ ପାଇଥିଲେ । ଏହାପରେ ସେମାନେ ପୁଲିସକୁ ଖବର ଦେଇଥିଲେ । ସୂଚନା ପାଇବା ପରେ ପୁଲିସ ଏବଂ ଏନଡିଆରଏଫ ଟିମ ପହଁଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । କେର୍ଉ ପରିସ୍ଥିତିରେ ସେହି କାର୍ ତଳକୁ ଖସିଥିଲା ତାହା ବି ଜଣାପଡ଼ିନାହିଁ।