ଜାପାନ ସମୁଦ୍ର ସୀମା ମଧ୍ୟକୁ ପ୍ରବେଶ କରୁଛନ୍ତି ଚୀନର ଜାହାଜ
ଟୋକିଓ: ଜଳରେ ବି ଚୀନର ବଢୁଥିବା ପ୍ରଭାବ ଯୋଗୁଁ ଜାପାନ ଓ ଚୀନ ମଧ୍ୟରେ ସେନକାକୁ ଦ୍ଵୀପରେ ଗରମାଗରମ ପରିସ୍ଥିତି ସୃଷ୍ଟି ହୋଇଛି । ରିପୋର୍ଟ ଅନୁସାରେ ଚୀନ୍ ହିନ୍ଦ୍ ଓ ପ୍ରଶାନ୍ତ ମହାସାଗରରେ ନିଜ ପତିଆରା ବୃଦ୍ଧି କରିବା ପାଇଁ ଜାପାନର ପୂର୍ବ ଚୀନ ସାଗରରେ ସେନକାକୁ ଦ୍ଵୀପ ସମୁହରେ ପ୍ରବେଶକୁ ଜୋରଦାର କରିଛି । ଜାପାନୀ ତଟ ରକ୍ଷକ ଦଳ ସୋମବାର ଦିନ କହିଛନ୍ତି, ସେନକାକୁ ଦ୍ଵୀପ ସମୂହରେ ଅନେକଗୁଡିଏ ଚୀନୀ ଜାହାଜକୁ ଜାପାନର ସମୁଦ୍ର ସୀମାରେ ପ୍ରବେଶ କରିବାକୁ ଚେଷ୍ଟା କରୁଥିବାର ଦେଖାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆନ୍ତ୍ରର୍ଜାତିକ ସାମୁଦ୍ରିକ କାନୁନର ଜଣେ ବିଶେଷଜ୍ଞ କହିଛନ୍ତି,ଜାପାନର ସମୁଦ୍ର ସୀମାରେ ଚୀନର ଚାଲ୍ ଆହୁରି ତୀବ୍ର ହୋଇଥିବାର ଆଶଙ୍କା କରାଯାଉଛି । ଚୀନର କାର୍ଯ୍ୟକଳାପକୁ ଦେଖି ଜାପାନର ତଟରକ୍ଷକ ବଳ ଅଧିକ ସତର୍କ ହୋଇଯାଇଛି ।
ସେନକାକୁ ଦ୍ଵୀପ ସମୂହକୁ ଜାପାନ ନିୟନ୍ତ୍ରଣ କରିଥାଏ । ଜାପାନ ଅନୁସାରେ ସେନକାକୁ ଦ୍ଵୀପ ସମୂହ ଜାପାନର ଅଭିନ୍ନ ଅଂଶ ଅଟେ । ତେବେ ଚୀନ୍ ଓ ତାଇଓ୍ଵାନ ଉଭୟେ ଏହି ଦ୍ଵୀପ ସମୂହକୁ ନିଜର ବୋଲି ଦାବି କରିଥାନ୍ତି । ୨୦୨୦ରେ ଚୀନୀ ସରକାରୀ ଜାହାଜଗୁଡି ଜାପାନ ସୀମାରେ ୩୪ ଥର ପ୍ରବେଶ କରିଥିଲା ବୋଲି ଜାପାନୀ ତଟୀୟ ସୁରକ୍ଷା ବଳ ସୂଚନା ଦେଇଥିଲା । ୨୦୨୦ରେ ଜାପାନ ନିଜ ତଟ ରକ୍ଷକ ଦଳକୁ ନିର୍ଦେଶ ଦେଇଥିଲା ଯେ ଯଦି ଜାପାନର ସମୁଦ୍ର ସୀମାକୁ ପ୍ରବେଶ କରୁଥିବା ଜାହାଜଗୁଡିକ ଜାପାନର ଆଦେଶକୁ ପାଳନ ନକରନ୍ତି ତେବେ ତାଙ୍କ ବିରୋଧରେ ଅସ୍ତ୍ରର ବ୍ୟବହାର ସେମାନେ କରି ପାରିବେ ।