କରୋନାଭାଇରସ ଯୋଗୁଁ ବିଶ୍ୱ ପାଇଁ ବଡ଼ ବିପଦ ମାଡ଼ିଆସୁଛି : ଓଇସିଡି
ନୂଆଦିଲ୍ଲୀ : ଚୀନରୁ ଆରମ୍ଭ ହୋଇ ସାରା ବିଭିନ୍ନ ଦେଶକୁ ବ୍ୟାପିଚାଲିଥିବା କରୋନାଭାଇରସ ଭୁତାଣୁ ସମସ୍ତ ବିଶ୍ୱ ପାଇଁ ଚିନ୍ତାର ବିଷୟ ପାଲଟିଛି । ଏହି ଭୁତାଣୁ ଯୋଗୁଁ ସମଗ୍ର ବିଶ୍ୱ ପାଇଁ ଏକ ବଡ଼ ବିପଦ ମାଡ଼ିଆସୁଛି ବୋଲି ବିଶେଷଜ୍ଞମାନେ କହିଲେଣି ।
Sambad is now on WhatsApp
Join and get latest news updates delivered to you via WhatsApp
କିଛିଦିନ ତଳେ ମାଇକ୍ରୋସଫ୍ଟର ପ୍ରତିଷ୍ଠାତା ବିଲ ଗେଟ୍ସ କହିଥିଲେ ଯେ କରୋନାଭାଇରସ ପରି ବିପଦ ଗୋଟିଏ ଶତାବ୍ଦୀରେ ଥରେ ଦେଖାଦେଇଥାଏ । ଆଜି ବିଶ୍ୱର ଏକ ପ୍ରମୁଖ ଆର୍ଥିକ ଓ ବିକାଶମୂଳକ ସଂଗଠନ ଇଓସିଡି ( ଅର୍ଥନୈତିକ ବିକାଶ ଓ ସହଯୋଗ ସଂଗଠନ) ଏକ ଚିନ୍ତାଜନକ ଭବିଷ୍ୟବାଣୀ କରିଛି । ସଂଗଠନର ଅଟକଳ ଅନୁସାରେ କରୋନା ଭାଇରସ ଯୋଗୁଁ ବିଶ୍ୱ ଅର୍ଥନୀତି ଏକ ବଡ଼ ଧରଣର ମାନ୍ଦାବସ୍ଥା ଆଡ଼କୁ ଟାଣିହୋଇଯାଉଛି । ଏପରିକି ଏହା ୨୦୦୮-୦୯ର ବିଶ୍ୱ ଆର୍ଥିକ ମାନ୍ଦାବସ୍ଥାଠାରୁ ମଧ୍ୟ ଗୁରୁତର ବୋଲି ଓଇସିଡି କହିଛି । ଏହା ଫଳରେ ବିଶ୍ୱ ଅର୍ଥନୀତିର ଅଭିବୃଦ୍ଧି ୨.୨ ପ୍ରତିଶତକୁ କମିଆସିବ ଯାହାକି ୨୦୦୯ ଠାରୁ ମଧ୍ୟ ଧୀମା ।
ଏହି ବିପଦର ମୁକାବିଲା କରିବାକୁ ହେଲେ ବିଶ୍ୱର ସବୁ ଦେଶ ମିଳିତଭାବେ ଉଦ୍ୟମ କରିବା ଆବଶ୍ୟକ । ଏହାର ମୁକାବିଲା ଲାଗି ସ୍ୱାସ୍ଥ୍ୟସେବା ଓ ଡାକ୍ତରୀ ବିଜ୍ଞାନ କ୍ଷେତ୍ରରେ ଅଧିକ ନିବେଶ ଆବଶ୍ୟକ । ସେହିପରି ଦୁର୍ବଳ ଦେଶମାନଙ୍କୁ ଆର୍ଥିକ ପ୍ୟାକେଜ ମଧ୍ୟ ଦିଆଯିବା ଆବଶ୍ୟକ ।