କର୍ଣ୍ଣାଟକର ବରିଷ୍ଠ କଂଗ୍ରେସ ନେତା ଡିକେ ଶିବକୁମାରଙ୍କୁ ଗିରଫ କଲା ଇଡି
ବାଙ୍ଗାଲୁରୁ : କର୍ଣ୍ଣାଟକର ପୂର୍ବତନ ମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ଡିକେ ଶିବକୁମାରଙ୍କୁ ୪ ଦିନ ଧରି ଜେରା କରିବା ପରେ ଆଜି ଗିରଫ କରିଛି ଏନଫୋର୍ସମେଣ୍ଟ ଡାଇରେକ୍ଟରେଟ ବା ଇଡି । ବେଆଇନ ଅର୍ଥ କାରବାର ଅଭିଯୋଗରେ ତାଙ୍କୁ ଗିରଫ କରାଯାଇଛି । ଇଡି ପକ୍ଷରୁ କୁହାଯାଇଛି ଯେ ତାଙ୍କୁ ହାଜତକୁ ନେଇ ଜେରା କରାଯିବାର ଆବଶ୍ୟକତା ଥିବାରୁ ବେଆଇନ ଅର୍ଥକାରବାର ନିରୋଧ ଆଇନ ଅଧିନରେ ଗିରଫ କରାଯାଇଛି । ଆସନ୍ତାକାଲି ତାଙ୍କୁ କୋର୍ଟରେ ହାଜର କରାଯାଇ ରିମାଣ୍ଡରେ ନେବ ଇଡି । ତେବେ ବିଜେପି ପ୍ରତିଶୋଧପରାୟଣ ହୋଇ ତାଙ୍କୁ ଗିରଫ କରିଛି ବୋଲି କଂଗ୍ରେସ ପକ୍ଷରୁ ଅଭିଯୋଗ କରାଯାଇଛି । କଂଗ୍ରେସ ମୁଖପାତ୍ର ଭିଏସ ଉଗ୍ରପ୍ପା କହିଛନ୍ତି ଯେ ଶିବକୁମାର କୌଣସି ଆର୍ଥିକ ଅପରାଧ କରିନାହାନ୍ତି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ଶିବକୁମାର କହିଛନ୍ତି ଯେ ୨୦୧୭ରେ ଗୁଜୁରାଟର ବିଧାୟକମାନଙ୍କୁ କର୍ଣ୍ଣାଟକରେ ସୁରକ୍ଷିତ ଭାବରେ ରଖିବା କାରଣରୁ ବିଜେପି ତାଙ୍କୁ ଟାର୍ଗେଟ କରୁଛି ।