ନୂଆଦିଲ୍ଲୀ: ଜମ୍ମୁ ଓ କଶ୍ମୀରର ଶୋପିଆନ୍ରେ ନିରାପତ୍ତା ବଳ ଓ ଆତଙ୍କବାଦୀଙ୍କ ମଧ୍ୟରେ ଗୋଟିଏ ଦିନ ଭୟାବହ ଗୁଳି ବିନିମୟ ପରେ ଶନିବାର ସକାଳେ ବି ପୁଣି ଥରେ ଗୁଳି ବିନିମୟ ଚାଲିଥିବା ଶୁଣାଯାଉଛି। ଶୁକ୍ରବାର ଦିନ ଗୁଳି ଚୋଟରେ ନିହତ ହୋଇଥିବା ଜଣେ ଆତଙ୍କବାଦୀକୁ ଛାଡ଼ି ଆହୁରି ୪ ଜଣ ଆତଙ୍କବାଦୀ ମଧ୍ୟ ଗୁଳି ଚୋଟରେ ନିହତ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
କିଲ୍ଲୋରା ଗାଁ’ରେ ଗୁଳି ଫୁଟିବା ଶବ୍ଦ ଶୁଭୁଛି। ସେଠାରେ ଶୁକ୍ରବାର ଦିନ ମଧ୍ୟ ନିରାପତ୍ତା ବଳ ଓ ଆତଙ୍କବାଦୀମାନଙ୍କ ମଧ୍ୟ ଗୁଳି ବିନିମୟ ଘଟିଥିଲା। ଶୁକ୍ରବାର ରାତିରେ ଆତଙ୍କବାଦୀମାନଙ୍କ ମଧ୍ୟରୁ ଜଣେ ନିହତ ହୋଇଥିଲେ। ସେ ଲସ୍କର୍-ଏ-ତୈବାର ଆତଙ୍କବାଦୀ ଉମର ମଲିକ ବୋଲି ଜଣାପଡ଼ିଛି। ତାଙ୍କ ନିକଟରେ ଗୋଟାଏ ଏକେ-୪୭ ବନ୍ଧୁକ ଥିଲା।
ସେ ଅଞ୍ଚଳରୁ ବାକି ଆତଙ୍କବାଦୀମାନଙ୍କୁ ଖୋଜି ବାହାର କରିବାକୁ ନିରାପତ୍ତା ବଳ ତଲାସ ଅଭିଯାନ ଚାଲୁ ରଖିଛନ୍ତି।
ଏ ସପ୍ତାହରେ ନିରାପତ୍ତା ବଳ ଏବଂ ଆତଙ୍କବାଦୀମାନଙ୍କ ମଧ୍ୟରେ ଅନେକ ଥର ଗୁଳି ବିନିମୟ ଘଟିଲାଣି।
ଗୁରୁବାର ଦିନ କୁପ୍ଓ୍ଵାଡ଼ା ଜିଲ୍ଲାରେ ନିରାପତ୍ତା ବଳ ଓ ଆତଙ୍କବାଦୀମାନଙ୍କ ମଧ୍ୟରେ ଗୁଳି ବିନିମୟ ଯୋଗୁଁ ଦୁଇ ଜଣ ହିଜ୍ବୁଲ୍ ମୁଜାହିଦୀନ୍ ଆତଙ୍କବାଦୀ ନିହତ ହୋଇଥିଲେ।