ମହାକାଶରେ ଖଣ୍ଡବିଖଣ୍ଡିତ ହୋଇ ଭାରତ ମହାସାଗରରେ ଗଳିପଡିଲା ଏହି ରକେଟ
ନୂଆଦିଲ୍ଲୀ: ଋଷିଆର ରକେଟ୍ ଫ୍ରେଗେଟ୍-ଏସବି ମହାକାଶରେ ଖଣ୍ଡ ଖଣ୍ଡ ହୋଇଯାଇଛି | ଏହାର କିଛି ଖଣ୍ଡ ଭାରତ ମହାସାଗରରେ ମଧ୍ୟ ପଡିଛି, ଯାହାକୁ ଆମେରିକା ସେନା ଖୋଜୁଛି। ଋଷର ଖବରକାଗଜ ମସ୍କୋ ଟାଇମ୍ସ ଏହାକୁ ନିଶ୍ଚିତ କରିଥିବାବେଳେ ପାଖାପାଖି ୬୫ ଖଣ୍ଡରେ ଏହା ଭାଙ୍ଗି ହୋଇ ମହାସାଗରରେ ଖସିପଡିଥିବାର ସୂଚନା ମିଳିଛି | ୨୦୧୧ ମସିହାରେ ଋଷିଆର ସ୍ପେସ୍ ଏଜେନ୍ସି ରସକୋସ୍ମୋସ୍ ସ୍ପେକ୍ଟର୍-ଆର ଉପଗ୍ରହକୁ ଫ୍ରେଗେଟ୍-ଏସବି ରକେଟ ଦ୍ୱାରା ଉତକ୍ଷେପଣ କରିଥିଲା। ସେବେଠାରୁ ଏହି ରକେଟ୍ ମହାକାଶରେ ଘୁରିବୁଲୁଥିଲା |
Sambad is now on WhatsApp
Join and get latest news updates delivered to you via WhatsApp
୨୦୧୯ ମସିହାରେ ଏହି ରକେଟ ସହ ଯୋଗାଯୋଗ ବିଛିନ୍ନ ହୋଇଯାଇଥିଲା | ଏହା ପରେ ରକେଟଟିକୁ ଖୋଜାଖୋଜି କରାଯାଉଥିଲା। ମସ୍କୋ ଟାଇମ୍ସ ଅନୁଯାୟୀ ଏହା ପ୍ରାୟ ୬୫ ଖଣ୍ଡରେ ଭାଙ୍ଗି ହୋଇଯାଇ ଭାରତ ମହାସାଗରରେ ଖସିପଡିଛି | ସ୍ପେକ୍ଟର-ଆର ଉପଗ୍ରହ ଏକ ରେଡିଓ ଟେଲିସ୍କୋପ ଥିଲା ଯାହାକୁ ମେ ୨୦୧୯ ରେ ମୃତ ଘୋଷଣା କରାଯାଇଥିଲା |
ରସକୋସ୍ମୋସ୍ ମେ ୮ ରେ ରକେଟର ବିଲୀନକୁ ନିଶ୍ଚିତ କରିଥିଲେ | ତେବେ ମସ୍କୋ ଟାଇମ୍ସ କହିଛି ଯେ ଏହି ରକେଟରେ ବିସ୍ଫୋରଣ କିମ୍ବା ଧକ୍କା ହେବାର କୌଣସି ସୂଚନା ନାହିଁ। ଋଷିଆର ସ୍ପେସ୍ ଏଜେନ୍ସି ବର୍ତ୍ତମାନ ପୃଥିବୀରେ ଏହି ରକେଟର କିଛି ଅଂଶ କେଉଁଠାରେ ପଡିଛି ସେ ସମ୍ବନ୍ଧରେ ସୂଚନା ସଂଗ୍ରହ କରୁଛି।