୨୦୦୨ ଅକ୍ଷରଧାମ ମନ୍ଦିର ଆକ୍ରମଣରେ ସଂପୃକ୍ତ ଆତଙ୍କବାଦୀ ମୈୟୁଦ୍ଦିନ ବଟ ଗିରଫ
ନୂଆଦିଲ୍ଲୀ : ଗୁଜୁରାଟର ଆତଙ୍କବାଦ ନିରୋଧୀ ବାହନୀ (ଏଟିଏସ) ପକ୍ଷରୁ ୨୦୦୨ ଅକ୍ଷରଧାମ ମନ୍ଦିର ଆତଙ୍କବାଦୀ ଆକ୍ରମଣରେ ସଂପୃକ୍ତ ଲକ୍ସର-ଇ-ତୋଇବା ଆତଙ୍କବାଦୀ ୟସଲ ଗୁଲାମ ମୈୟୁଦ୍ଦିନ ବଟ୍କୁ ଗିରଫ କରିଛି । ତାକୁ ଜାମ୍ମୁ ଓ କାଶ୍ମୀରର ଅନନ୍ତନାଗ ଜିଲ୍ଲାରୁ ଗିରଫ କରାଯାଇଛି । ବଟ୍ ହିଁ ଏହି ଆକ୍ରମଣ ପାଇଁ ପାକ ଅଧିକୃତ କାଶ୍ମୀରରୁ ବିସ୍ଫୋରକ ମଗାଇଥିଲା । ୨୦୧୮ ନଭେମ୍ବର ମାସରେ ଏହି ଘଟଣାରେ ଆଉ ଏକ ଅଭିଯୁକ୍ତ ମହମ୍ମଦ ଫାରୁକ ଶେଖକୁ ଏଟିଏସ ଗିରଫ କରିଥିଲା ।
Sambad is now on WhatsApp
Join and get latest news updates delivered to you via WhatsApp
୨୦୦୨ରେ ଗୁଜୁରାଟର ଗାନ୍ଧିନଗରରେ ଥିବା ଅକ୍ଷରଧାମ ମନ୍ଦିରରେ ସଶସ୍ତ୍ର ଆତଙ୍କବାଦୀ ପଶି ଆଖିବୁଜା ଗୁଳି ଚଳାଇବାରୁ ଘଟଣାସ୍ଥଳରେ ୩୪ ଲୋକ ମୃତ୍ୟୁବରଣ କରିଥିଲେ ଓ ୮୪ ଜଣ ଆହତ ହୋଇଥିଲେ । ଏହାପରେ ଜାତୀୟ ସୁରକ୍ଷା ଗାର୍ଡ (ଏନଏସଜି) କମାଣ୍ଡୋମାନେ ଘଟଣାସ୍ଥଳରେ ପହଞ୍ଚି ଆତଙ୍କବାଦୀଙ୍କୁ ମାରିଦେଇଥିଲେ । ୨୦୦୨ ଫେବ୍ରୁଆରୀରେ ହୋଇଥିବା ଗୁଜୁରାଟ ସାଂପ୍ରଦାୟିକ ହିଂସାକାଣ୍ଡର ପ୍ରାୟ ୭ ମାସ ପରେ ଏହି ଘଟଣା ଘଟିଥିଲା ।