ସଂଦିଗ୍ଧ ଅଲକାଇଦା ଆତଙ୍କବାଦୀ ଗିରଫ ହେବା ପରେ ଉତ୍ତରପ୍ରଦେଶରେ ହାଇଆଲର୍ଟ ଜାରି
ଲକ୍ଷ୍ନୌ : ଲକ୍ଷ୍ନୌରୁ ଦୁଇଜଣ ସଂଦିଗ୍ଧ ଅଲକାଇଦା ଆତଙ୍କବାଦୀ ଗିରଫ ହେବା ପରେ ଉତ୍ତରପ୍ରଦେଶର ବିଭିନ୍ନ ଅଞ୍ଚଳରେ ହାଇ ଆଲର୍ଟ ଜାରି କରାଯାଇଛି । ଲକ୍ଷ୍ନୌ ସମେତ ପଶ୍ଚିମ ଉତ୍ତରପ୍ରଦେଶର ଉନ୍ନାଓ, ହାର୍ଦୋଇ, ବାରାବାଙ୍କି, ସୀତାପୁର, ରାୟବରେଲିରେ ପୁଲିସ ପକ୍ଷରୁ ହାଇଆଲର୍ଟ ଜାରି କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଉତ୍ତରପ୍ରଦେଶର ଆତଙ୍କ ନିରୋଧୀ ସ୍କ୍ବାର୍ଡ ବା ଏଟିଏସ ପକ୍ଷରୁ ଆଜି ଲକ୍ଷ୍ନୌରେ ଅଲକାଇଦାର ଏକ ଆତଙ୍କବାଦୀ ଷଡ଼ଯନ୍ତ୍ରର ପର୍ଦ୍ଦାଫାସ କରାଯାଇଛି । ଗୁଇନ୍ଦା ରିପୋର୍ଟ ପାଇଁ ଏଟିଏସ ଦୁଇଟି ସ୍ଥାନରେ ଚଢଉ କରିଥିଲା । ଏହି ଚଢଉ ବେଳେ ଏଟିଏସ ପକ୍ଷରୁ ଅନ୍ତର୍ଜାତୀୟ ଆତଙ୍କବାଦୀ ସଂଗଠନ ଅଲକାଇଦା ସହ ସଂପୃକ୍ତ ଅନସର-ଗଜଓ୍ବାଟ-ଉଲ-ହିନ୍ଦର ଦୁଇ ସଂଦିଗ୍ଧ ଆତଙ୍କବାଦୀଙ୍କୁ ଗିରଫ କରାଯାଇଛି । ସେମାନଙ୍କ ନାଁ ହେଉଛି ମସିରୁଦ୍ଦିନ ଓ ମିନହାଜ୍ । ଏହି ଦୁଇ ସ୍ଥାନରୁ ବିସ୍ଫୋରକ, ବିଦେଶୀ ପିସ୍ତଲ, ପ୍ରେସର କୁକର ବୋମା ଜବତ ହୋଇଛି । ତେବେ ଘଟଣାସ୍ଥଳରୁ ଆଉ ୫ ଜଣ ସଂଦିଗ୍ଧ ଆତଙ୍କବାଦୀ ଫେରାର ହେବାକୁ ସକ୍ଷମ ହୋଇଛନ୍ତି । ସେମାନଙ୍କୁ ଧରିବାକୁ ଉତ୍ତରପ୍ରଦେଶ ପୁଲିସ ଏକ ବଡ଼ଧରଣର ଅଭିଯାନ ଚଳାଇଛି ।