୧୮/୧୯ ମାସ ମଧ୍ୟରେ ଭାରତ ଏସ୍-୪୦୦ ଏୟାର୍ ଡିଫେନ୍ସ୍ ସିଷ୍ଟମ୍ ପାଇବ: ରୁଷ୍
ୟୁଝ୍ନୋ-ସାଖାଲିନ୍ସ୍କ୍: ନିର୍ଦ୍ଧାରିତ ସମୟ ଅନୁସାରେ ଭାରତକୁ ଏସ୍-୪୦୦ ଏୟାର୍ ଡିଫେନ୍ସ୍ ମିସାଇଲ୍ ସିଷ୍ଟମ୍ ଦିଆଯିବ ବୋଲି ରବିବାର ଦିନ ରୁଷ୍ର ଉପ-ପ୍ରଧାନମନ୍ତ୍ରୀ ୟୁରି ବୋରିସୋଭ୍ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ରାଷ୍ଟ୍ରାୟତ ସମ୍ବାଦ ପ୍ରସାରଣ ସଂସ୍ଥାନ ରୋସିୟା-୧କୁ ବୋରିସୋଭ୍ କହିଛନ୍ତି: ଅଗ୍ରୀମ ପ୍ରାପ୍ୟ ମିଳି ସାରିଛି ଏବଂ ସବୁ ଜିନିଷ ନିର୍ଦ୍ଧାରିତ ସମୟ ଅନୁସାରେ, ପ୍ରାୟ ୧୮-୧୯ ମାସ ପରେ ଭାରତକୁ ପ୍ରଦାନ କରାଯିବ।
ଗତ ମାସରେ, ବୈଦେଶିକ ବ୍ୟାପାର ମନ୍ତ୍ରୀ ଏସ୍ ଜୟଶଙ୍କର ତାଙ୍କର ରୁଷୀୟ ପ୍ରତିପକ୍ଷ ସର୍ଗେଇ ଲାଭ୍ରୋଭ୍ଙ୍କୁ ଭେଟି ଦ୍ୱିପାକ୍ଷିକ ସହଯୋଗ ଆହୁରି ବୃଦ୍ଧି କରିବା ପ୍ରସଙ୍ଗରେ ଆଲୋଚନା କରିଥିଲେ।
ଦୀର୍ଘକାଳୀନ ନିରାପତ୍ତା ଆବଶ୍ୟକତା ନିମନ୍ତେ ପାଞ୍ଚୋଟି ଏସ୍-୪୦୦ ସିଷ୍ଟମ୍ କିଣିବା ପାଇଁ ଗତ ଅକ୍ଟୋବର ୫ ତାରିଖ ଦିନ ନୂଆଦିଲ୍ଲୀ ଠାରେ ୧୯ତମ ଭାରତ-ରୁଷ୍ ବାର୍ଷିକ ଦ୍ୱିପାକ୍ଷିକ ଶିଖର ବୈଠକରେ ୫. ୪୩ ବିଲିୟନ୍ ଆମେରିକୀୟ ଡଲାର୍ର ଚୁକ୍ତି ସ୍ୱାକ୍ଷରିତ ହୋଇଥିଲା।
ଜୁଲାଇ, ୨୦୧୯ରେ ଯୁକ୍ତରାଷ୍ଟ୍ର ଆମେରିକା ନୌସେନାର ଜଣେ ଶୀର୍ଷସ୍ତରୀୟ ଅଧିକାରୀ କହିଥିଲେ କି, ଭାରତ ରୁଷ୍ରୁ ଖରିଦ କରିବାକୁ ଚାହୁଁଥିବା ଏସ୍-୪୦୦ ମିସାଇଲ୍ ସିଷ୍ଟମ୍ରେ ଟିକିଏ ସମସ୍ୟା ରହିଛି। ଏ ସଂକ୍ରାନ୍ତରେ ଆମେ ଭାରତ ସହ କଥାବାର୍ତ୍ତା କରୁଛୁ।