ବିରୋଧ ପରେ ମହିଳା କ୍ୟାଡେଟଙ୍କ କୁମାରୀତ୍ବ ପରୀକ୍ଷା ବନ୍ଦ କଲା ଇଣ୍ଡୋନେସିଆ ସେନା
ଜାକାର୍ତ୍ତା : ଇଣ୍ଡୋନେସିଆ ସେନାରେ ପ୍ରଚଳିତ ଥିବା ବିବାଦୀୟ କୁମାରୀତ୍ବ ଯାଞ୍ଚ ପ୍ରକ୍ରିୟାକୁ ହଟାଇ ଦିଆଯାଇଛି । ବିଭିନ୍ନ ମହଲରୁ ଏହି ନିୟମକୁ ବିରୋଧ କରାଯିବା ପରେ ସେନା ଏହି ନିଷ୍ପତ୍ତି ନେଇଛି । ଏହି ପ୍ରକ୍ରିୟା ହଟାଯାଇଥିବା ସମ୍ପର୍କରେ ଇଣ୍ଡୋନେସିଆର ସେନାମୁଖ୍ୟ ଏଣ୍ଡିକା ପରକେସା ସ୍ପଷ୍ଟ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଇଣ୍ଡୋନେସିଆ ସେନାର ବିଗତ ଅନେକ ବର୍ଷ ଧରି ପ୍ରଚଳିତ ଏହି ନିୟମ ଅନୁସାରେ ସେନାରେ ଭର୍ତ୍ତି ହେବାକୁ ଚାହୁଥିବା ମହିଳା ପ୍ରାର୍ଥୀମାନଙ୍କର କୁମାରୀତ୍ବ ଯାଞ୍ଚ କରାଯାଉଥିଲା । ଏହା ଦ୍ବାରା ମହିଳା ପ୍ରାର୍ଥୀମାନଙ୍କ ନୈତିକତା ନିଶ୍ଚିତ କରାଯାଇପାରୁଥିଲା ବୋଲି ପୂର୍ବରୁ ସେନା ଯୁକ୍ତି କରୁଥିଲା ।
ତେବେ ଏହି ଅଜବ ନିୟମ ବିରୋଧରେ ଇଣ୍ଡୋନେସିଆ ସମେତ ଅନ୍ତର୍ଜାତୀୟ ସ୍ତରରେ ବିରୋଧ ସୃଷ୍ଟି ହେବା ପରେ ଏହାକୁ ବନ୍ଦ କରିବାକୁ ନିଷ୍ପତ୍ତି ନିଆଯାଇଛି । ଏହି ନିୟମ ସମ୍ପର୍କରେ ନ୍ୟୁୟର୍କ ଭିତ୍ତିକ ମାନବ ଅଧିକାର ସଂସ୍ଥା ହ୍ୟୁମାନ ରାଇଟ୍ ଓ୍ବାଚ୍ ( ଏଚଆରଡବ୍ଲୁ) ପକ୍ଷରୁ ୨୦୧୪,୨୦୧୫ ଓ ୨୦୧୭ ରେ ତଦନ୍ତ କରାଯିବା ପରେ ଏହାକୁ ବନ୍ଦ କରିବାକୁ ଦାବି କରିଥିଲା ।
ଅନ୍ୟପକ୍ଷରେ ଇଣ୍ଡୋନେସିଆର ନୌସେନା ପକ୍ଷରୁ କୁହାଯାଉଛି ମହିଳା ପ୍ରାର୍ଥୀମାନଙ୍କ ନିଯୁକ୍ତି ବେଳେ କେବଳ ଗର୍ଭପରୀକ୍ଷା କରାଯାଉଛି । କିନ୍ତୁ କୁମାରୀତ୍ବ ପରୀକ୍ଷା କରାଯାଉନାହିଁ ।