ପାଠପଢ଼ାରେ ଦୁର୍ବଳ ଥିଲେ ପ୍ରେମିକା, ଫ୍ରକ ପିନ୍ଧି ପରୀକ୍ଷା ଦେବାକୁ ପହଁଚିଲେ ପ୍ରେମିକ
ନୂଆଦିଲ୍ଲୀ: ପାଠପଢ଼ାରେ ଦୁର୍ବଳ ଥିଲେ ପ୍ରେମିକା ଆଉ ପ୍ରେମିକା କିଭଳି ପରୀକ୍ଷାରେ ଭଲ ମାର୍କ ରଖି ଉତ୍ତୀର୍ଣ୍ଣ ହେବେ ସେହି ଚେଷ୍ଟାରେ ଲାଗିପଡ଼ିଲେ ପ୍ରେମିକ | ତେବେ ପ୍ରେମିକଙ୍କ ଚେଷ୍ଟା ଏବେ ତାଙ୍କୁ ଫସାଇଦେଇଛି | ଏହି ଘଟଣା ଆଫ୍ରିକୀୟ ଦେଶ ସେନେଗେଲରେ ଘଟିଛି | ଖବର ଅନୁଯାୟୀ, ଏହି ଘଟଣା ବିଶ୍ୱବିଦ୍ୟାଳୟ ପରୀକ୍ଷା ସମୟରେ ଘଟିଥିଲା। ପରୀକ୍ଷା ଚାଲିଥିବା ସମୟରେ ପରୀକ୍ଷକମାନେ ଜଣେ ପରୀକ୍ଷା ଦେଉଥିବା ଛାତ୍ରୀଙ୍କୁ ସନ୍ଦେହ କରିଥିଲେ | ଯେତେବେଳେ ସେମାନେ ଯାଞ୍ଚ କରିଥିଲେ, ଜଣାପଡ଼ିଥିଲା ଯେ ସେ ଜଣେ ଛାତ୍ରୀ ନୁହେଁ ବରଂ ଜଣେ ଯୁବକ ଝିଅ ବେଶରେ ପରୀକ୍ଷା ଦେଉଥିଲେ |
Sambad is now on WhatsApp
Join and get latest news updates delivered to you via WhatsApp
ତାଙ୍କୁ ତୁରନ୍ତ ଗିରଫ କରାଯାଇଥିଲା। ଖବର ଅନୁଯାୟୀ, ଯୁବକଙ୍କ ନାମ ଖାଦିମ୍ ହୋଇଥିବାବେଳେ ସେ ତାଙ୍କର ୧୯ ବର୍ଷର ପ୍ରେମିକାଙ୍କ ପାଇଁ ପରୀକ୍ଷା ଦେଉଥିଲେ | ପ୍ରେମିକା ଜଣକ ପଥରେ କମଜୋର ହୋଇଥିବାରୁ କିଭଳି ଅଧିକ ମାର୍କ ଆଣିବେ ସେଥିପାଇଁ ପ୍ରେମିକ ପରୀକ୍ଷା ଦେବାକୁ ମନସ୍ଥ କରିଥିଲେ | ଏଥିପାଇଁ ସେ ନିଜକୁ ପ୍ରେମିକାଙ୍କ ଭଳି ସଜାଇଥିଲେ | ସେ ପରୀକ୍ଷା ହଲରେ ପ୍ରବେଶ କରି କ୍ରମାଗତ ତିନି ଦିନ ଧରି ପରୀକ୍ଷା ଦେଇଥିଲେ |
କିନ୍ତୁ ଚତୁର୍ଥ ଦିନରେ ଯାଞ୍ଚ ଅଧିକାରୀ ଖାଦିମଙ୍କୁ ସନ୍ଦେହ କରିଥିଲେ। ଯେତେବେଳେ ତାଙ୍କୁ ଯାଞ୍ଚ କରାଯାଇଥିଲା, ତାଙ୍କ ଅସଲ ଚରିତ୍ର ଜଣାପଡ଼ିଯାଇଥିଲା | ବର୍ତ୍ତମାନ ଖାଦିମଙ୍କ ବିରୋଧରେ ଠକେଇ ମାମଲା ରୁଜୁ ହୋଇଥିବାବେଳେ ତାଙ୍କୁ ଗିରଫ କରାଯାଇଛି।