ନୂଆଦିଲ୍ଲୀ : ଆସନ୍ତା କାଲିଠାରୁ ଜାପାନ ଉପକୂଳରେ ଆରମ୍ଭ ହେବାକୁ ଯାଉଛି ଭାରତ, ଜାପାନ ଓ ଆମେରିକା ମିଳିତ ଯୁଦ୍ଧାଭ୍ୟାସ ମାଲାବାରର ୨୩ ତମ ସଂସ୍କରଣ । ଏହା ଆସନ୍ତା ଅକ୍ଟୋବର ୪ ପର୍ଯ୍ୟନ୍ତ ଅନୁଷ୍ଠିତ ହେବ । ଅନ୍ୟପକ୍ଷରେ ନ୍ୟୁୟର୍କଠାରେ ଭାରତ,ଜାପାନ, ଆମେରିକା ଓ ଅଷ୍ଟ୍ରେଲିଆକୁ ନେଇ ଗଠିତ କ୍ବାଡ୍ ମେଣ୍ଟର ଏକ ବୈଠକ ଅନୁଷ୍ଠିତ ହୋଉଛି । ଏହାକୁ ନେଇ ଚୀନ ଅସନ୍ତୋଷ ପ୍ରକାଶ କରିଛି ।
Sambad is now on WhatsApp
Join and get latest news updates delivered to you via WhatsApp
ଏହି ଯୁଦ୍ଧାଭ୍ୟାସରେ ଭାଗନେବା ପାଇଁ କମାଣ୍ଡିଂ ଇଷ୍ଟର୍ଣ୍ଣ ଫ୍ଲିଟର ଫ୍ଲାଗ ଅଫିସର ରିଅର ଆଡମିରାଲ ସୁରଜ ବେରୀଙ୍କ ସହିତ ସ୍ୱଦେଶୀ ଜ୍ଞାନ କୌଶଳରେ ନିର୍ମିତ ଦୁଇଟି ପ୍ରମୁଖ ଭାରତୀୟ ନୌଜାହାଜ-ବହୁବିଧ କ୍ଷେପଣାସ୍ତ୍ର ପ୍ରକ୍ଷେପଣ କ୍ଷମତା ବିଶିଷ୍ଟ ସହ୍ୟାଦ୍ରି ଏବଂ ଏଏସଡବ୍ଲୁ କର୍ଭେଟ କିଲଟନ ସାସେବୋରେ ପହଞ୍ଚିଛନ୍ତି । ଏହି ନୌଜାହାଜ ମାନଙ୍କ ସହ ପି୮ଆଇ ଦୂରଗାମୀ ସାମୁଦ୍ରିକ ପାଟ୍ରୋଲ ବାୟୁଯାନ ମଧ୍ୟ ଯୁଦ୍ଧାଭ୍ୟାସରେ ଭାଗନେବା ପାଇଁ ଜାପାନରେ ପହଞ୍ଚିଛି । ଆମେରିକୀୟ ନୌସେନାରେ ସାମିଲ ରହିଛି ୟୁଏସଏସ ମ୍ୟାକ କ୍ୟାମ୍ପବେଲ ବୁଡାଜାହାଜ ଏବଂ ପି୮ଏ ଦୂରଗାମୀ ସାମୁଦ୍ରିକ ପାଟ୍ରୋଲ ବାୟୁଯାନ । ଇଜୁମୋକ୍ଲାସ ହେଲିକପ୍ଟର ବିଧ୍ୱଂସକ ଜେଏସ କାଗା, କ୍ଷେପଣାସ୍ତ୍ର ବିଧ୍ୱଂସକ ଜେଏସ ସାମିଦାରେ ଓ ଚୌକାଇ ଏବଂ ପି୧ ଦୂରଗାମୀ ସାମୁଦ୍ରିକ ପାଟ୍ରୋଲ ବାୟୁଯାନ ମଧ୍ୟ ଯୁଦ୍ଧାଭ୍ୟାସରେ ଭାଗନେବ ।