ନାମାଙ୍କନ ପତ୍ର ଦାଖଲ କଲେ ମୁଖ୍ୟମନ୍ତ୍ରୀ ମମତା ବାନାର୍ଜୀ, ନନ୍ଦିଗ୍ରାମରୁ କରିବେ ପ୍ରତିଦ୍ୱନ୍ଦ୍ୱିତା
କୋଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସର ମୁଖ୍ୟ ମମତା ବାନାର୍ଜୀ ଆଜି ନିଜର ନାମାଙ୍କନପତ୍ର ଦାଖଲ କରିଛନ୍ତି। ଚଳିତ ବର୍ଷ ନିର୍ବାଚନରେ ସେ ନନ୍ଦିଗ୍ରାମରୁ ପ୍ରତିଦ୍ୱନ୍ଦ୍ୱିତା କରିବେ। ନାମାଙ୍କନ ପୂର୍ବରୁ ପୂଜା,ପାଠ ଏବଂ ପଦଯାତ୍ରା କରିଥିଲେ ମମତା ବାନାର୍ଜୀ। ନାମାଙ୍କନପତ୍ର ଦାଖଲ କରିବାକୁ ଯିବା ସମୟରେ ତାଙ୍କ ସମର୍ଥକମାନେ ଖେଲା ହୋବେ ନାରାବାଜି କରିଥିବା ଦେଖାଯାଇଥିଲା। ପ୍ରଥମେ ଶିବ ମନ୍ଦିରରେ ଦର୍ଶନ ସାରି ସେ ହଲଦିଆରୁ ପଦଯାତ୍ରା ଆରମ୍ଭ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ନାମାଙ୍କନ ପତ୍ର ଦାଖଲ କରିବା ପରେ ମମତା ବାନାର୍ଜୀ କହିଛନ୍ତି ଯେ, ମୋ ସହିତ ଥିବାରୁ ଏବଂ ମୋ ସହ ଏତେ ବାଟ ଚାଲିବା ପାଇଁ ମୁଁ ସମସ୍ତଙ୍କୁ ଧନ୍ୟବାଦ ଜଣାଉଛି। ମୁଁ ଜଣେ ସାଧାରଣ ମଣିଷ। ମୁଁ ମୋର ନାମାଙ୍କନପତ୍ର ଦାଖଲ କରିଛି। ମୋର ଚାରିଜଣ ପ୍ରସ୍ତାବକ ଅଛନ୍ତି- ମହାଦେବ, ସୁଷମା, ଅବଦୁର, ସମଡା। ମୁଁ ବର୍ତ୍ତମାନ ନନ୍ଦିଗ୍ରାମ ଫେରିବି ଏବଂ ଆସନ୍ତାକାଲି ଦଳର ଘୋଷଣାପତ୍ରର ଉନ୍ମୋଚନ ପାଇଁ କୋଲକାତା ଯିବି। ଭବାନୀପୁର ମୋର ଘର। କିନ୍ତୁ ନନ୍ଦିଗ୍ରାମ ମଧ୍ୟ ମୋ ପାଇଁ ନୂଆ ସ୍ଥାନ ନୁହେଁ। ମୁଁ ସ୍ଥାନୀୟ କୃଷକଙ୍କ ପାଖରେ ଠିଆ ହୋଇ ନନ୍ଦିଗ୍ରାମ ଆନ୍ଦୋଳନରେ ଭାଗ ନେଇଥିଲି। ମୁଁ ଚାଷୀଙ୍କ ପାଇଁ ଅନଶନରେ ବସିଛି।