ନୂଆଦିଲ୍ଲୀ: ଆଫଗାନିସ୍ତାନରେ ଫସି ରହିଥିବା ୪୦୦-୪୫୦ ଭାରତୀୟ ନାଗରିକଙ୍କୁ ସୁରକ୍ଷିତ ଭାବେ ଫେରାଇ ଆଣିବା ପାଇଁ ସ୍ଥାନାନ୍ତର ପ୍ରକ୍ରିୟା ତ୍ବରାନ୍ବିତ କଲା ଭାରତ। ଏନେଇ ଭାରତ ଆମେରିକା ସହିତ ନିରନ୍ତର ଯୋଗାଯୋଗରେ ରହିଥିବା ଜଣାପଡ଼ିଛି। ବୈଦେଶିକ ବ୍ୟାପାର ମନ୍ତ୍ରାଳୟ ସମସ୍ତ ଭାରତୀୟ ନାଗରିକଙ୍କୁ ସହାୟତା ପାଇଁ ସ୍ୱତନ୍ତ୍ର ଆଫଗାନିସ୍ତାନ ସେଲ ସହିତ ଯୋଗାଯୋଗ କରିବାକୁ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆଫଗାନିସ୍ତାନର ଅତ୍ୟଧିକ ଅସ୍ଥିର ତଥା ବିପଜ୍ଜନକ ପରିସ୍ଥିତି ସମ୍ପର୍କରେ ଚଳିତ ବର୍ଷ ଏପ୍ରିଲରୁ କାବୁଲରେ ଥିବା ଭାରତୀୟ ଦୂତାବାସ ପକ୍ଷରୁ ପାଞ୍ଚଟି ସୁରକ୍ଷା ପରାମର୍ଶଦାତା ଜାରି କରାଯାଇଥିଲା। ଏହା ସତ୍ତ୍ବେ ଭାରତୀୟ ନାଗରିକମାନେ ଆଫଗାନିସ୍ତାନରେ ରହିବାକୁ ପସନ୍ଦ କରିଥିଲେ। ଏପ୍ରିଲ ୧୨, ଜୁନ୍ ୨୯ ଏବଂ ଜୁଲାଇ ୪ ରେ ଦିଆଯାଇଥିବା ପ୍ରଥମ ତିନୋଟି ପରାମର୍ଶଦାତାରେ ଭାରତୀୟ ନାଗରିକଙ୍କୁ ଅପହରଣ କରାଯିବାକୁ ଦିଆଯାଉଥିବା ଧମକ ବିଷୟରେ ଚେତାଇ ସେମାନଙ୍କୁ ଦୂତାବାସରେ ପଞ୍ଜିକରଣ କରିବାକୁ କୁହାଯାଇଥିଲା। ଅଗଷ୍ଟ ୧୦ରେ ଜାରି କରାଯାଇଥିବା ଅନ୍ୟ ଏକ ପରାମର୍ଶଦାତାରେ ଭାରତୀୟ ନାଗରିକମାନଙ୍କୁ ବାଣିଜ୍ୟିକ ବିମାନ ସେବା ବନ୍ଦ ହେବା ପୂର୍ବରୁ ଭାରତକୁ ଫେରିବା ପାଇଁ ତୁରନ୍ତ ଯାତ୍ରା ବ୍ୟବସ୍ଥା କରିବାକୁ କୁହାଯାଇଥିଲା। ହେଲେ ଭାରତୀୟମାନେ ଫେରିନଥିଲେ।
We urge all Indian nationals in Afghanistan requiring assistance to contact our Special Afghanistan Cell immediately, if not done so already.
Contact details ⬇️ https://t.co/82ytF53WKK— Arindam Bagchi (@MEAIndia) August 19, 2021