ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଦୁଇ ପଡୋଶୀ ଦେଇ ମାଳଦ୍ୱୀପ ଓ ଶ୍ରୀଲଙ୍କା ଗ୍ରସ୍ତରେ ଯାଇଛନ୍ତି । କିଛି ସମୟପୂର୍ବେ ସେ ମାଲେ ଏୟାରପୋର୍ଟରେ ଓହ୍ଲାଇଛନ୍ତି । ଏହି ଅବସରରେ ମାଳଦ୍ୱୀପ ପକ୍ଷରୁ ନିଜର ସର୍ବୋଚ୍ଚ ସମ୍ମାନ ନିସାନ ଇଜୁଦ୍ଦିନ ମୋଦିଙ୍କୁ ପ୍ରଦାନ କରାଯିବ ।
Sambad is now on WhatsApp
Join and get latest news updates delivered to you via WhatsApp
ବିପୁଳ ବିଜୟ ସହ କ୍ଷମତାକୁ ଫେରିବା ପରେ ନରେନ୍ଦ୍ର ମୋଦି ନିଜର ପ୍ରଥମ ବିଦେଶଗସ୍ତ ପାଇଁ ମାଳଦ୍ୱୀପକୁ ବାଛିବା କୂଟନୈତିକ ଦୃଷ୍ଟିକୋଣରୁ ଅନେକ ଗୁରୁତ୍ୱ ବହନ କରୁଛି । କାରଣ ମାଳଦ୍ୱୀପର ପୂର୍ବ ରାଷ୍ଟ୍ରପତି ଅବବୁଲ୍ଲା ୟମିନଙ୍କ ଅମଳରେ ଦୁଇ ଦେଶ ମଧ୍ୟରେ ସଂପର୍କ ଖରାପ ହୋଇଥିଲା । ପୂର୍ବ ରାଷ୍ଟ୍ରପତି ୟମିନଙ୍କ ଅମଳରେ ଚୀନ ସଂପୂର୍ଣ୍ଣ ଭାବେ ଏହି ଦେଶ ଉପରେ ପ୍ରଭାବ ବିସ୍ତାର କରିଥିଲା । ଏହା ଫଳରେ ଏହି ଦେଶ ଏବେ ଚୀନର ଋଣ ଯନ୍ତାରେ ପଡି ଛଟପଟ ହେଉଛି । କିନ୍ତୁ ଗତ ବର୍ଷ ଏହି ଦେଶରେ କ୍ଷମତା ପରିବର୍ତ୍ତନ ହେବାସହ ନୂଆ ସରକାର ପୁଣି ଭାରତ ସହ ସମ୍ପର୍କକୁ ସୁଦୃଢ କରିଥିଲେ । ନୂଆ ସରକାର ଆସିବା ପରେ ଭାରତ ତୁରନ୍ତ ୧.୪ ବିଲିୟନ ଡଲାରର ଋଣ ସହାୟତା ଘୋଷଣା କରିଥିଲା । ନିଜର ପ୍ରଥମ କାର୍ଯ୍ୟକାଳରେ ମୋଦି ପ୍ରଥମେ ଭୁଟାନ ଯାଇଥିଲେ ।