ଉନ୍ନାଓ ଗଣଦୁଷ୍କର୍ମ ପୀଡିତାଙ୍କ କାରକୁ ଧକ୍କା ଦେଇଥିବା ଟ୍ରକର ଡ୍ରାଇଭର ଏବଂ ହେଲ୍ପରର ନାର୍କୋ ଟେଷ୍ଟ ଆଜି
ନୂଆଦିଲ୍ଲୀ: ଗତ ଜୁଲାଇ ୨୮ ତାରିଖରେ ଉତ୍ତର ପ୍ରଦେଶର ରାୟବରେଲୀରେ ପୀଡିତା ଜଣକ ନିଜ ଖୁଡି ଓ ଓକିଲଙ୍କ ସହ କାରରେ ଯାଉଥିବାବେଳେ ଏକ ଟ୍ରକ ତାଙ୍କ କାରକୁ ଧକ୍କା ଦେଇଥିଲା |
ସୁପ୍ରିମକୋର୍ଟଙ୍କ ଆଦେଶ ପରେ ଉନ୍ନାଓ ଗଣଦୁଷ୍କର୍ମ ପୀଡିତାଙ୍କ କାରକୁ ଧକ୍କା ଦେଇ ଜେଲଦଣ୍ଡ ଭୋଗୁଥିବା ଟ୍ରକ ଡ୍ରାଇଭର ଏବଂ ହେଲ୍ପରର ଆଜି ନାର୍କୋ ଟେଷ୍ଟ କରାଯିବ । ଏପରିକି ସେମାନଙ୍କର ବ୍ରେନ ମ୍ୟାପିଂ ଓ ଫିଙ୍ଗର ପ୍ରିଂଟ ଟେଷ୍ଟ ମଧ୍ୟ କରାଯିବ । ଏହାପରେ ସତ ସାମ୍ନାକୁ ଆସିବ ବୋଲି କୁହାଯାଉଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଆବେଦନକାରୀଙ୍କ ଅପିଲ ଉପରେ ଶୁଣାଣି କରି ସୁପ୍ରିମକୋର୍ଟ ପ୍ରଭାରୀ ସୁବ୍ରତ ପାଠକ ଏ ନେଇ ଅନୁମତି ଦେଇଛନ୍ତି । ଦୁଷ୍କର୍ମ ପୀଡିତାଙ୍କ କାର ସହ ରାଏବରେଲୀରେ ଦୁର୍ଘଟଣା ଘଟାଇଥିବା ଡ୍ରାଇଭର ଓ ହେଲ୍ପରଙ୍କର ଗତ ବୁଧବାର ଦିନ ପଲିଗ୍ରାଫ ଟେଷ୍ଟ କରାଯାଇଥିଲା । ସୁପ୍ରିମକୋର୍ଟଙ୍କ ଆଦେଶ ପରେ ଉନ୍ନାଓ ଗଣଦୁଷ୍କର୍ମ ପୀଡ଼ିତାଙ୍କର ଉନ୍ନତ ଚିକିତ୍ସା ଏବେ ଦିଲ୍ଲୀ ଏମ୍ସରେ ଚାଲିଛି ।