ନୂଆଦିଲ୍ଲୀ : ରାଜଧାନୀ ଦିଲ୍ଲୀରେ ବଢିଚାଲିଥିବା କରୋନା ସଂକ୍ରମଣ ସରକାରଙ୍କ ଚିନ୍ତା ବଢାଇଦେଇଛି । ଗତ ୨୪ ଘଣ୍ଟାରେ ଦିଲ୍ଲୀରେ ୫୦୧ଟି ନୂଆ ସଂକ୍ରମଣ ମାମଲା ଚିହ୍ନଟ ହୋଇଛି ଓ ଦିଲ୍ଲୀର ପଜିଟିଭିଟି ହାର ୭.୭୨ ପ୍ରତିଶତକୁ ବୃଦ୍ଧି ପାଇଛି ବୋଲି ସରକାରୀ ତଥ୍ୟରୁ ଜଣାପଡିଛି ।
Sambad is now on WhatsApp
Join and get latest news updates delivered to you via WhatsApp
ତେବେ ଦିଲ୍ଲୀରେ ଦ୍ରୁତ ଗତିରେ ବଢିଚାଲିଥିବା ଦୈନିକ ସଂକ୍ରମଣ କରୋନାର ଏକ ନୂଆ ଭାରିଆଣ୍ଟ ବା ପ୍ରଜାତି ଆଡ଼କୁ ଇସାରା କରୁଛି କି ? ସରକାର ମଧ୍ୟ ଏପରି ସଂଦେହ କରୁଛି । ଏଥିପାଇଁ ଦିଲ୍ଲୀ ଓ ଜାତୀୟ ରାଜଧାନୀ କ୍ଷେତ୍ର (ଏନସିଆର) ଅଞ୍ଚଳର ବିଭିନ୍ନ ଭାଗରୁ ନମୁନା ସଂଗ୍ରହ କରି ଜିନୋମ ସିକ୍ବେନ୍ସିଂ ପାଇଁ ପଠାଯାଇଛି । ଏହି ଜିନୋମ ସିକ୍ବେନ୍ସିଂର ଫଳାଫଳ ଆସନ୍ତା ଏକ ସପ୍ତାହ ମଧ୍ୟରେ ଆସିବାର ସମ୍ଭାବନା ରହିଛି ।
ତେବେ ଦିଲ୍ଲୀରେ କରୋନାର ୪ର୍ଥ ଲହର ଆସୁଛି କି ? ଏହାର ଉତ୍ତରରେ ବୈଜ୍ଞାନିକମାନେ କହିଛନ୍ତି ଯେ ଏପର୍ଯ୍ୟନ୍ତ ୪ର୍ଥ ଲହରର କୌଣସି ସଂକେତ ଦେଖାଯାଇନାହିଁ । ଦିଲ୍ଲୀରେ ସଂକ୍ରମଣ ବଢୁଛି କିନ୍ତୁ ହସପିଟାଲାଇଜେସନ ବଢିନାହିଁ । ଏଣୁ ଚିନ୍ତାର କୌଣସି କାରଣ ନାହିଁ । କିନ୍ତୁ ଆମକୁ ଏହି ସ୍ଥିତି ଉପରେ ନଜର ରଖିବାକୁ ପଡିବ ।
କାନପୁର ଆଇଆଇଟିର ପ୍ରଫେସର ମନିନ୍ଦ୍ର ଅଗ୍ରଓ୍ବାଲ କହିଛନ୍ତି ଯେ ଭାରତରେ ୪ର୍ଥ ଲହର ଆସିବାର ଆଶଙ୍କା କମ । ଦିଲ୍ଲୀରେ ଏବେ ବଢୁଥିବା ସଂକ୍ରମଣ କୋଭିଡ୍ କଟକଣା ଉଠାଯିବା କାରଣରୁ ହେଉଛି ।