ନିରବ ବିଦେଶ ପଳାଇ ଯାଇନାହାନ୍ତି, ବ୍ୟବସାୟ କାମରେ ଯାଇଛନ୍ତି : ଓକିଲ
ନୂଆଦିଲ୍ଲୀ : ନିରବ ମୋଦି ଭାରତରୁ ପଳାୟନ କରିନାହାନ୍ତି, ସେ ବ୍ୟାବସାୟିକ ଗସ୍ତରେ ବିଦେଶକୁ ଯାଇଛନ୍ତି ବୋଲି ତାଙ୍କ ଓକିଲ ବିଜୟ ଅଗ୍ରଓ୍ଵାଲ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ ନିରବ ମୋଦିଙ୍କ ବିରୋଧରେ ପିଏନବି ପକ୍ଷରୁ ଅଣା ଯାଇଥିବା ଅଭିଯୋଗ ଏକ ଧୂଆଁବାଣ,ଏଥିରେ କିଛି ସତ୍ୟତା ନାହିଁ । ଟୁଜିି, ବୋଫର୍ସ ଓ ଆରୁଷି ମାମଲା ପରି ଏହି ମାମଲା ମଧ୍ୟ ଦିନେ ମିଥ୍ୟା ପ୍ରମାଣିତ ହେବ ବୋଲି କହିଛନ୍ତି ନିରବ ମୋଦିଙ୍କ ଓକିଲ ବିଜୟ ଅଗ୍ରଓ୍ଵାଲ । ସୂଚନାଯୋଗ୍ୟ କି ବିଜୟ ଅଗ୍ରଓ୍ଵାଲ ହିଁ କେତେଜଣ ଟୁଜି ଦୁର୍ନୀତି ଅଭିଯୁକ୍ତଙ୍କ ପକ୍ଷରୁ ମାମଲା ଲଢୁଥିଲେ ।
ସେ ଆହୁରି ମଧ୍ୟ କହିଛନ୍ତି ଯେ କେବଳ ଜଣେ ଡେପୁଟି ମ୍ୟାନେଜର ଗୋକୁଳ ନାଥ ସେଟ୍ଟୀଙ୍କ ଦ୍ୱାରା ଜାରି ଲେଟର ଅଫ ଅଣ୍ଡରଟେକିଂ (ଏଲଓୟୁ) ଓ ଫରେନ ଲେଟର ଅଫ କ୍ରେଡିଟ୍ ଭିତ୍ତିରେ ନିରବ ମୋଦି ଟଙ୍କାଠକି ନେଉଥିଲେ ଓ ପିଏନବି କର୍ତ୍ତୃପକ୍ଷ କିଛି ଜାଣିପାରୁ ନ ଥିଲେ ତାହା ଅସମ୍ଭବ । ମୁମ୍ବାଇର ବ୍ରାଡି ହାଉସ ଶାଖାରେ ସେଟ୍ଟୀଙ୍କ ଉପରେ ଜଣେ ଚିଫ୍ ମ୍ୟାନଜର ଓ ଏଜିଏମ୍ ଥିଲେ । ବ୍ୟାଙ୍କ ଚାର୍ଜ ବାବଦରେ ପିଏନବି ନିରବଙ୍କଠାରୁ କୋଟି କୋଟି ଟଙ୍କା ଆଦାୟ କରିଛି । ଏଣୁ କେହି କିଛି ଜାଣି ନ ଥିଲେ ବୋଲି କହିବା ଆଶ୍ଚର୍ଯ୍ୟଜନକ । ତେବେ ନିରବ ମୋଦି କେବେ ଭାରତ ଫେରିବେ ବୋଲି କରାଯାଇଥିବା ଏକ ପ୍ରଶ୍ନର ଉତ୍ତର ଦେବାକୁ ସେ ମନାକରିଦେଇଛନ୍ତି ।