ନୂଆଦିଲ୍ଲୀ: ବିମାନରେ ନିଅନ୍ତୁ ନାହିଁ ପୁରୁଣା ଆପଲ ଲାପଟପ | ଏହାଦ୍ୱାରା ବିମାନ ଉଡ଼ାଣରେ ସମସ୍ୟା ଦେଖାଦେଇପାରେ, କିଛି ଏଭଳି ଆଶଙ୍କା ସୃଷ୍ଟି କରି ବିମାନ ଯାତ୍ରୀଙ୍କୁ ଏହି ଲାପଟପ ନ ନେବାକୁ ପରାମର୍ଶ ଦିଆଯାଇଛି | ଡ଼ିଜିସିଏ(ବେସାମରିକ ବିମାନ ଉଡ଼ାଣ କର୍ତୃପକ୍ଷ) ପକ୍ଷରୁ କୁହାଯାଇଛି ଯେ ଆପଲ ମ୍ୟାକ ବୁକର ୧୫ ଇଂଚର ଲାପଟପ ନ ନେବା ଦରକାର |
Sambad is now on WhatsApp
Join and get latest news updates delivered to you via WhatsApp
ଡ଼ିଜିସିଏ ପକ୍ଷରୁ କୁହାଯାଇଛି ଯେ ଯେଉଁ ଆପଲ ଲାପଟପ ସେପ୍ଟେମ୍ବର ୨୦୧୫ରୁ ଫେବୃୟାରୀ ୨୦୧୭ ମଧ୍ୟରେ ନିର୍ମାଣ କରାଯାଇଥିବ ସେହି ଲାପଟପର ବ୍ୟାଟେରୀ ଅଧିକ ଗରମ ହେଉଥିବାରୁ ନିରାପତ୍ତା ଦୃଷ୍ଟିରୁ ଏହି ଲାପଟପକୁ ନ ନେବା ଆବଶ୍ୟକ |
ସେହିପରି ଡ଼ିଜିସିଏ ପକ୍ଷରୁ ଉପଦେଶ ଦିଆଯାଇଛି ଯେ ବିମାନ ଯାତ୍ରୀମାନେ କୌଣସି ପୁରୁଣା ଲାପଟପ ଯାହାର ବ୍ୟାଟେରୀ ଖରାପ ଥିବ, ସେମାନେ ଏହି ଲାପଟପକୁ ନ ନେବା ଆବଶ୍ୟକ | ଯଦି ବ୍ୟାଟେରୀ ପୁରୁଣା ହୋଇଥିଲେ ବି ଅଧିକୃତ କମ୍ପାନୀ ପକ୍ଷରୁ ବିମାନ ଯାତ୍ରା ପାଇଁ ଅନୁମତି ଦିଆଯାଇଥିବ ତେବେ ହିଁ ନେଇପାରିବେ ବୋଲି ଡ଼ିଜିସିଏ କହିଛି |