ଷ୍ଟକହୋମ : ତିନି ଜଣ ବୈଜ୍ଞାନିକ ପାଇବେ ରସାୟନ ବିଜ୍ଞାନରେ ନୋବେଲ ପୁରସ୍କାର । ଏହି ୩ ଜଣ ହେଉଛନ୍ତି ଟେକ୍ସାସ ବିଶ୍ୱବିଦ୍ୟାଳୟର ଜନ ଗୁଡେନଫ, ନ୍ୟୁୟର୍କ ବିଶ୍ୱବିଦ୍ୟାଳୟର ଏମ.ଷ୍ଟାନଲି ଓ୍ଵିଟିନହମ ଓ ଜାପାନର ମେଇଜୋ ବିଶ୍ୱବିଦ୍ୟାଳୟର ଆକିରା ଓ୍ଵାସିନୋ । ଲିଥିୟମ ଆୟନ ବ୍ୟାଟେରୀ ବିକାଶ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ସେମାନଙ୍କୁ ଏହି ପୁରସ୍କାର ଦିଆଯିବା ପାଇଁ ବଛାଯାଇଛି । ଏହି ଉଦ୍ଭାବନ ଫଳରେ ମୋବାଇଲ ଫୋନ, ଇଲେକ୍ଟ୍ରିକ କାର କ୍ଷେତ୍ରରେ ଉଲ୍ଲେଖନୀୟ ଅଗ୍ରଗତି ହୋଇଛି । ପୁରସ୍କାର ବାବଦରେ ଏହି ତିନିଜଣଙ୍କୁ ମୋଟ ୯ ନିୟୁତ ସ୍ୱିସ୍ କ୍ରାଉନ ବା ୧ ନିୟୁତ ଆମେରିକୀୟ ଡଲାର, ଏକ ସ୍ୱର୍ଣ୍ଣ ପଦକ ଓ ଏକ ମାନପତ୍ର ପାଇବେ ।
Sambad is now on WhatsApp
Join and get latest news updates delivered to you via WhatsApp
ପ୍ରସିଦ୍ଧ ବୈଜ୍ଞାନିକ, ବ୍ୟବସାୟୀ ତଥା ଡିନାମାଇଟର ଉଦ୍ଭାବକ ଆଲଫ୍ରେଡ ନୋବେଲଙ୍କ ଇଚ୍ଛାପତ୍ର ଅନୁସାରେ ପ୍ରତିବର୍ଷ ନୋବେଲ ପୁରସ୍କାର ବିଜ୍ଞାନ, ସାହିତ୍ୟ ଓ ବିଶ୍ୱ ଶାନ୍ତି କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ପ୍ରଦାନ କରାଯାଇଥାଏ । ପ୍ରଥମେ ଚିକିତ୍ସା ବିଜ୍ଞାନ ପାଇଁ ନୋବେଲ ଘୋଷଣା କରାଯାଏ ।