ପଞ୍ଜାବ ବାଣକାରଖାନା ବିସ୍ଫୋରଣ : ମୃତ୍ୟୁସଂଖ୍ୟା ୨୨ ଛୁଇଁଲା, ୭ ଆହତଙ୍କ ଅବସ୍ଥା ସଂକଟାପନ୍ନ
ଗୁରୁଦାସପୁର : ପଞ୍ଜାବର ଗୁରୁଦାସପୁର ଜିଲ୍ଲା ବାଟାଲାଠାରେ ଥିବା ଏକ ବାଣ କାରଖାନାରେ ଆଜି ହୋଇଥିବା ବିସ୍ଫୋରଣରେ ମୃତ୍ୟୁସଂଖ୍ୟା ୨୨ରେ ପହଞ୍ଚିଛି । ଏହି ଘଟଣାରେ ଆହୁରି ୩୦ ଜଣ ଆହତ ଅଛନ୍ତି । ମୃତ୍ୟୁସଂଖ୍ୟା ଆହୁରି ବଢିବାର ଆଶଙ୍କା କରାଯାଉଛି, କାରଣ ଏହି ଆହତମାନଙ୍କ ମଧ୍ୟରୁ ପ୍ରାୟ ୭ ଜଣଙ୍କ ଅବସ୍ଥା ସଂକଟାପନ୍ନ ରହିଛି । ଆଉ କିଛି ଲୋକ ମଧ୍ୟ ଏପର୍ଯ୍ୟନ୍ତ ଧ୍ୱଂସାବଶେଷ ତଳେ ଫସିରହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଆସନ୍ତାକାଲି ଅନୁଷ୍ଠିତ ହେବାକୁ ଥିବା ଶିଖ ଧର୍ମର ପ୍ରତିଷ୍ଠାତା ଗୁରୁ ନାନକ ଦେବଙ୍କ ବିବାହ ବାର୍ଷିକୀ ପାଳନ ଉତ୍ସବରେ ଏସବୁ ବାଣ ବ୍ୟବହାର ହୋଇଥାନ୍ତା । ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ ବିସ୍ଫୋରଣଟି ଏତେ ଭୟଙ୍କରଥିଲା ଯେ ଆଖପାଖର ଅନେକ ଘର କ୍ଷତିଗ୍ରସ୍ତ ହୋଇଛି । ଘଟଣାସ୍ଥଳରେ ଗୁରୁଦାସପୁରର ଜିଲ୍ଲାପାଳ ବିପୁଳ ଉଜ୍ଜଳ ଓ ଏସଏସପି ଉପିନ୍ଦରଜିତ ସିଂ ଗୁମାନ ପହଞ୍ଚି ସ୍ଥିତିର ଆକଳନ କରିଛନ୍ତି । ଉଦ୍ଧାରକାର୍ଯ୍ୟ ଲାଗି ସ୍ଥାନୀୟ ପ୍ରଶାସନ, ଗୁରୁଦାସପୁର ଓ ଅମୃତସରରୁ ଆମ୍ବୁଲାନ୍ସ ଓ ଦମକଳ ଗାଡି ପହଞ୍ଚିଛି । ମୁଖ୍ୟମନ୍ତ୍ରୀ କ୍ୟାପନେଟ ଅମରିନ୍ଦର ସିଂ ଏହି ଘଟଣାକୁ ନେଇ ଶୋକ ପ୍ରକଟ କରିଛନ୍ତି ।