ରାମ ମନ୍ଦିର ନିର୍ମାଣ ପାଇଁ ବର୍ଷୁଛି ଟଙ୍କା, ୫୦୦ କୋଟିର କରାଗଲା ଫିକ୍ସଡ଼ ଡିପୋଜିଟ
ନୂଆଦିଲ୍ଲୀ: ଅଯୋଧ୍ୟାର ରାମ ଜନ୍ମଭୂମି ପରିସରରେ ହେବାକୁ ଥିବା ରାମ ଜନ୍ମଭୂମି ମନ୍ଦିର ନିର୍ମାଣ ଆରମ୍ଭ ହୋଇଯାଇଥିବାବେଳେ ଏଥିପାଇଁ ଟଙ୍କା ବର୍ଷା ହେବାରେ ଲାଗିଛି | କୁହାଯାଉଛି ଯେ କେବଳ ମନ୍ଦିର ନିର୍ମାଣ ପାଇଁ ସାରା ଦେଶରେ ଆରମ୍ଭ ହୋଇଥିବା ସମର୍ପଣ ନିଧି ଅଭିଯାନରେ ରାମ ଭକ୍ତମାନେ ପ୍ରାୟ ୫୦୦୦ କୋଟି ଟଙ୍କା ଦାନ କରିଛନ୍ତି। ଏହି ବିପୁଳ ପରିମାଣର ଦାନ ଅର୍ଥରୁ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟ, ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆର ଅଯୋଧ୍ୟା ଶାଖାରେ ୫୦୦ କୋଟି ଟଙ୍କାର ଏଫଡି ବା ଫିକ୍ସଡ଼ ଡିପୋଜିଟ କରିଛି।
Sambad is now on WhatsApp
Join and get latest news updates delivered to you via WhatsApp
ଏହା ସହିତ ବର୍ତ୍ତମାନ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟ ବିଦେଶରେ ରହୁଥିବା ରାମ ଭକ୍ତଙ୍କ ପାଇଁ ପାଣ୍ଠି ଉତ୍ସର୍ଗ ଅଭିଯାନ ମଧ୍ୟ ଆରମ୍ଭ କରିବାକୁ ଯାଉଛି ଏବଂ ଭାରତ ବାହାରେ ରହୁଥିବା ଭକ୍ତଙ୍କଠାରୁ ଏହି ଟ୍ରଷ୍ଟ ବିପୁଳ ଅର୍ଥ ପାଇବ ବୋଲି ଆଶା କରାଯାଉଛି। ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟ କାର୍ଯ୍ୟାଳୟର ଦାୟିତ୍ୱରେ ଥିବା ପ୍ରକାଶ ଗୁପ୍ତା କହିଛନ୍ତି ଯେ ଏହି ଅଭିଯାନରୁ ଆମ ପାଖକୁ ଆସିଥିବା ପାଣ୍ଠି ମଧ୍ୟରୁ କେବଳ ୫୦୦ କୋଟି ଟଙ୍କା ଏଫଡି କରାଯାଇଛି, ଯେଉଁ ଅର୍ଥରୁ ସୁଧ ମିଳିବ |
ତେବେ ଟ୍ରଷ୍ଟ ଅନୁଯାୟୀ ଏପର୍ଯ୍ୟନ୍ତ ୫୦୦ କୋଟି ଟଙ୍କା ଫିକ୍ସଡ଼ ଡିପୋଜିଟ କରାଯାଇଥିବା ଏହା ମୋଟ ରାଶିର ମାତ୍ର ୧୦ ପ୍ରତିଶତ ବୋଲି କୁହାଯାଉଛି | ଅର୍ଥାତ ରାମ ଜନ୍ମଭୂମି ମନ୍ଦିର ନିର୍ମାଣ ପାଇଁ ଟ୍ରଷ୍ଟ ୫୦୦୦ରୁ କୋଟିରୁ ଅଧିକ ଟଙ୍କା ପାଇଛି ଏବଂ ଯେତେବେଳେ ଏଥିରେ ବିଦେଶୀ ଦାତାଙ୍କ ଟଙ୍କା ଯୋଡାଯିବ, ସେତେବେଳେ ମନ୍ଦିର ନିର୍ମାଣ ପୂର୍ବରୁ ମଧ୍ୟ ଭାରତର ସବୁଠାରୁ ଧନୀ ମନ୍ଦିରରେ ଏହା ଅନ୍ତର୍ଭୁକ୍ତ ହେବ। ସୂଚନା ଥାଉ କି ୧୫ ଜାନୂୟାରୀରୁ ଫେବୃୟାରୀ ୨୭ ତାରିଖ ମଧ୍ୟରେ ସାରା ଦେଶରେ ସମର୍ପଣ ନିଧି ଅଭିଯାନ କରାଯାଇଥିଲା | ଆଉ ଦେଶ ବ୍ୟାପି ବହୁ ସଂଖ୍ୟାରେ ରାମ ଭକ୍ତ ମନ୍ଦିର ପାଇଁ ମୁକ୍ତ ହସ୍ତରେ ଦାନ କରିଥିଲେ |