ଗେମ୍ ପ୍ରେମୀଙ୍କ ସଂଖ୍ୟା ୫୦ କୋଟିରୁ ଅଧିକ
୯୦% ପସନ୍ଦ ମୋବାଇଲ୍ ଗେମ୍, ଗେମ୍ ଖେଳିବାରେ ସପ୍ତାହକୁ ସାଢ଼େ ୮ ଘଣ୍ଟା ବିତାଉଛନ୍ତି
ନୂଆଦିଲ୍ଲୀ : ଭାରତର ଗେମିଂ ଶିଳ୍ପ ଦ୍ରୁତ ଗତିରେ ଆଗକୁ ବଢ଼ୁଛି। ୨୦୨୬ ସୁଦ୍ଧା ତାହା ୨୧୮% ହାରରେ ଆଗକୁ ବଢ଼ିବ ବୋଲି ଆକଳନ କରାଯାଇଛି। ଭାରତରେ ମୋବାଇଲ୍ରେ ଗେମ୍ ଖେଳୁଥିବା ଲୋକଙ୍କ ସଂଖ୍ୟା ଦ୍ରୁତ ଗତିରେ ବଢ଼ିବାରେ ଲାଗିଛି। ୨୦୧୭-୧୮ରେ ଗେମ୍ ପ୍ରେମୀଙ୍କ ସଂଖ୍ୟା ୨୫ କୋଟି ଥିଲା। ବର୍ଷକ ପରେ ତାହା ୪୦ କୋଟି, ୨୦୨୦-୨୧ରେ ୪୫ କୋଟି ହେବା ପରେ ୨୦୨୧-୨୨ରେ ସେମାନଙ୍କ ସଂଖ୍ୟା ୫୦ କୋଟି ୭୦ ଲକ୍ଷରୁ ଅଧିକ ହୋଇଛି।
Sambad is now on WhatsApp
Join and get latest news updates delivered to you via WhatsApp
ମୋବାଇଲ୍ ଗେମ୍ ଡାଉନ୍ଲୋଡ୍ କ୍ଷେତ୍ରରେ ଭାରତ ଶୀର୍ଷ ସ୍ଥାନରେ ରହିଛି। ଭାରତ ପଛକୁ ଏହି ତାଲିକାରେ ରହିଛି ଚୀନ୍, ଆମେରିକା, ବ୍ରାଜିଲ୍ ଓ ଇଣ୍ଡୋନେସିଆ। ଭାରତରେ ମୋବାଇଲ୍ ଗେମ୍ ଖେଳିବାରେ ଲୋକମାନେ ସପ୍ତାହକୁ ହାରହାରି ସାଢ଼େ ଆଠ ଘଣ୍ଟା ବିତାଉଛନ୍ତି। ଗତ ପାଞ୍ଚ ବର୍ଷରେ ଗେମିଂ ଶିଳ୍ପରେ ୨୮୦ କୋଟି ଡଲାରର ନିବେଶ ହୋଇଛି। ଭାରତର ୯୦% ଗେମର୍ ହେଉଛନ୍ତି ମୋବାଇଲ୍ ଗେମ୍ ଖେଳୁଥିବା ଲୋକ। ଭାରତର ପ୍ରତି ମାସରେ ୨ ନିୟୁତରୁ ଅଧିକ ପେଡ୍ ଗେମ୍ ସାମିଲ ହେଉଛନ୍ତି। ଦେଶର ପ୍ରମୁଖ ଗେମିଂ ସଂସ୍ଥା ହେଉଛନ୍ତି ଡ୍ରିମ୍ ୧୧, ନାଜାରା ଟେକ୍ନୋଲୋଜିସ୍, ପେଟିଏମ୍ ଫାଷ୍ଟ୍ ଗେମ୍ସ, ମୁନଫ୍ରଗ୍ ଲ୍ୟାବ୍ସ, ଗେମ୍ସ୨ୱିନ ଏବଂ ୯୯ ଗେମ୍ସ।