ଭାରତୀୟ ସେନା ପାଇଁ ଏହି ଷ୍ଟାର୍ଟଅପ ନିର୍ମାଣ କରୁଛି ମାନବବିହୀନ ଗାଡି
ନୂଆଦିଲ୍ଲୀ: ଭାରତୀୟ ସେନା ପାଇଁ ମାନବବିହୀନ ଯାନ ନିର୍ମାଣରେ ଲାଗିପଡିଛନ୍ତି ତିନି ଜଣ ସାଙ୍ଗ | ୨୦୧୯ ମସିହାରେ ମେକଟ୍ରୋନିକ୍ସ ଇଂଜିନିୟରିଂରେ ଡିଗ୍ରୀ ହାସଲ କରିବା ପରେ ଏମ.ବିଘ୍ନେଶ, ଵିଭାକର କୁମାର ଓ କେ.ଅଭି ବିଘ୍ନେଶ ଟୋରସ ରୋବଟିକ୍ସ ନାମକ କମ୍ପାନୀ ଆରମ୍ଭ କରିଥିଲେ | ଚେନ୍ନାଇରେ ସ୍ଥାପିତ ହୋଇଥିବା ଏହି କମ୍ପାନୀ ସେନା ପାଇଁ ମୋଡ୍ୟୁଲର ମାନବବିହୀନ ଗ୍ରାଉଣ୍ଡ ଭେଇକିଲ(ୟୁଜିଭି) ନିର୍ମାଣ କରିଥାଏ | ମାନବବିହୀନ ଯାନ ନିର୍ମାଣ କରିବାକୁ କାହିଁକି ମନକୁ ଆସିଥିଲା ପ୍ରଶ୍ନରେ ଏମ.ବିଘ୍ନେଶ କୁହନ୍ତି ଯେ ଉରୀ ଆକ୍ରମଣ ତାଙ୍କ ମନକୁ ଆନ୍ଦୋଳିତ କରିଥିଲା |
Sambad is now on WhatsApp
Join and get latest news updates delivered to you via WhatsApp
ଭାରତୀୟ ଯବାନଙ୍କୁ ଯେଭଳି ଭାବେ ଚାରିଜଣ ଆତଙ୍କବାଦୀ ଆକ୍ରମଣ କରିଥିଲେ ଏହା ଦେଖି ମନକୁ ଭାବନା ଆସିଥିଲା ଯେ କିଭଳି ମାନବବିହୀନ ପ୍ରଣାଳୀକୁ ବିକଶିତ କରାଯାଇପାରିବ | ଯାହାଦ୍ୱାରା ଭାରତୀୟ ଯବାନଙ୍କ ଜୀବନକୁ ବଞ୍ଚାଇପାରିବ | ବିପଦପୂର୍ଣ୍ଣ ସ୍ଥାନରେ ଯବାନ ନିଜେ ନ ଯାଇ କିଭଳି ମାନବବିହୀନ ଯାନ ପଠାଇ ଯାଞ୍ଚ କରିପାରିବେ ସେହି ଲକ୍ଷ୍ୟ ନେଇ ୟୁଜିଭି ନିର୍ମାଣ ଆରମ୍ଭ କରାଯାଇଥିଲା |
ଟୋରସ ରୋବଟିକ୍ସ ଏପର୍ଯ୍ୟନ୍ତ ଲ୍ୟାଣ୍ଡମାଇନ ଓ ଅଜ୍ଞାତ ସ୍ଥାନରେ ଥିବା ବିସ୍ଫୋରକ ଖୋଜିବା ପାଇଁ ମାନବବିହୀନ ଯାନ ନିର୍ମାଣ କରିପାରିଛି | ସେହିପରି ଡିଆରଡିଓ ପାଇଁ ମୋବାଇଲ ସ୍ୱାୟତ୍ତ ରୋବଟିକ ସିଷ୍ଟମ(ମାର୍ସ) ମଧ୍ୟ ନିର୍ମାଣ କରିଛି | ତେବେ ପ୍ରୋଟୋଟାଇପ ବା ନମୁନା ନିର୍ମାଣ ପାଇଁ ଅଧିକ ପୁଞ୍ଜିନିବେଶର ଆବଶ୍ୟକତା ରହିଥିବାର ଏମ.ବିଘ୍ନେଶ କୁହନ୍ତି |