ତାମିଲନାଡ଼ୁ, ମହାରାଷ୍ଟ୍ର, ଉତ୍ତରପ୍ରଦେଶରେ ସବୁଠାରୁ ଅଧିକ କରୋନା ହଟସ୍ପଟ ଜିଲ୍ଲା
ନୂଆଦିଲ୍ଲୀ : ସରକାରଙ୍କ ପକ୍ଷରୁ ଘୋଷିତ ୧୭୦ଟି ହଟସ୍ପଟ ବା ରେଡଜୋନ ଜିଲ୍ଲା ମଧ୍ୟରୁ ଅଧିକାଂଶ ତାମିଲନାଡ଼ୁ, ମହାରାଷ୍ଟ୍ର , ଉତ୍ତରପ୍ରଦେଶ, ରାଜସ୍ଥାନ ଓ ଦିଲ୍ଲୀରେ ରହିଛି ବୋଲି ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ତାମିଲନାଡ଼ୁରେ ୨୨ଟି ହଟସ୍ପଟ ଜିଲ୍ଲା ଥିବାବେଳେ ମହାରାଷ୍ଟ୍ରରେ ୧୪, ଉତ୍ତରପ୍ରଦେଶରେ ୧୩, ରାଜସ୍ଥାନରେ ୧୨,ଆନ୍ଧ୍ରପ୍ରଦେଶରେ ୧୧ ଓ ଦିଲ୍ଲୀରେ ୧୦ଟି ଜିଲ୍ଲା ରହିଛି । ସେହିପରି ତେଲେଙ୍ଗାନାରେ ୯ଟି, ପଞ୍ଜାବ,ଜାମ୍ମୁ ଓ କଶ୍ମୀର ଓ କର୍ଣାଟକରେ ୮ଟି ଲେଖାଏଁ ହଟସ୍ପଟ ଜିଲ୍ଲା ରହିଛି । ଅନ୍ୟପକ୍ଷରେ କେରଳର ୭ଟି, ଗୁଜରାଟ,ମଧ୍ୟପ୍ରଦେଶ ଓ ହରିୟାଣାରେ ୬ଟି ଲେଖାଏଁ ହଟସ୍ପଟ ଜିଲ୍ଲା ରହିଛି । ଏସବୁ ଜିଲ୍ଲାଗୁଡ଼ିରେ ଲକଡାଉନକୁ କଡ଼ାକଡ଼ିଭାବେ ପାଳନ କରାଯିବ ।
ସୂଚନାଯୋଗ୍ୟ ଯେ କେନ୍ଦ୍ର ସରକାରଙ୍କ ପକ୍ଷରୁ ଦେଶର ସବୁ ଜିଲ୍ଲା ଗୁଡ଼ିକୁ ତିନୋଟି ଭାଗରେ ବିଭକ୍ତ କରାଯାଇଛି, ଯଥା ହଟସ୍ପଟ (ରେଡ ଜୋନ),ଅଣ-ହଟସ୍ପଟ (ହ୍ୱାଇଟ ଜୋନ) ଓ ଗ୍ରୀନଜୋନ । ହଟସ୍ପଟ ଜିଲ୍ଲାଗୁଡ଼ିକରେ ନିୟମିତଭାବେ ଅଧିକ ସଂକ୍ରମଣ ମାମଲା ସାମନାକୁ ଆସୁଛି, ଅଣ-ହଟସ୍ପଟ ଗୁଡ଼ିକରେ ଅଳ୍ପ କିଛି ମାମଲା ଦେଖାଦେଉଛି ଓ ଗ୍ରୀନ ଜୋନ ଜିଲ୍ଲାଗୁଡ଼ିକରେ କୌଣସି ମାମଲା ଜଣାପଡ଼ିନାହିଁ ଅର୍ଥାତ ସଂକ୍ରମଣରୁ ମୁକ୍ତ ରହିଛି । ଦେଶରେ ଏବେ ୧୭୦ଟି ଜିଲ୍ଲା ହଟସ୍ପଟ ଓ ୨୬୦ ଟି ଜିଲ୍ଲା ସମ୍ଭାବ୍ୟ ହଟସ୍ପଟ ଭାବେ ଚିହ୍ନଟ କରାଯାଇଛି ।