ସମଗ୍ର ବିଶ୍ୱରେ କରୋନା ମୃତ୍ୟୁସଂଖ୍ୟା ୪ ଲକ୍ଷ ଟପିଲା
ନ୍ୟୁୟର୍କ : ବିଶ୍ୱରେ କରୋନା ଭାଇରସର ପ୍ରଭାବ ଜାରି ରହିଛି । ଦିନକୁ ଦିନ ଏହାର ଆତଙ୍କ କମିବ କଣ ବଢିଚାଲିଛି । ସମଗ୍ର ବିଶ୍ୱରେ କରୋନା ଜନିତ ମୃତ୍ୟୁସଂଖ୍ୟା ୪ ଲକ୍ଷ ଟପିଯାଇଛି । ସର୍ବାଧିକ ୧ ଲକ୍ଷରୁ ଅଧିକ ମୃତ୍ୟୁ ଆମେରିକାରେ ହିଁ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଆମେରିକାର ଜନ ହପକିନ୍ସ ବିଶ୍ୱ ବିଦ୍ୟାଳୟର ତଥ୍ୟ ଅନୁସାରେ ରବିବାର ସୁଦ୍ଧା ସମଗ୍ର ବିଶ୍ୱରେ ମୋଟ ସଂକ୍ରମିତଙ୍କ ସଂଖ୍ୟା ୬୯ ଲକ୍ଷ ୨୩ ହଜାରରେ ପହଞ୍ଚିଛି । ଏହା ସହିତ ମୃତ୍ୟୁସଂଖ୍ୟା ୪୦୦୨୯୦ ରେ ପହଞ୍ଚିଛି । ସୁଖର କଥା ହେଉଛି ସମଗ୍ର ବିଶ୍ୱରେ ପ୍ରାୟ ୩୧ଲକ୍ଷ ୪ ହଜାର ଲୋକ ଆରୋଗ୍ୟଲାଭ କରିଛନ୍ତି । ଆମେରିକାରେ ମୋଟ ସଂକ୍ରମିତଙ୍କ ସଂଖ୍ୟା ୧୯ ଲକ୍ଷ ୨୦ ହଜାରରେ ପହଞ୍ଚିଥିବାବେଳେ ମୃତ୍ୟୁସଂଖ୍ୟା ୧ ଲକ୍ଷ ୯ ହଜାର ରେ ପହଞ୍ଚିଛି । ଆମେରିକା ତଳକୁ ରହିଛନ୍ତି ବ୍ରାଜିଲ, ଋଷିଆ ଓ ବ୍ରିଟେନ । ବ୍ରାଜିଲରେ ମୋଟ ସଂକ୍ରମିତ ସଂଖ୍ୟା ୬.୭୨ ହଜାର ଓ ଋଷିଆରେ ମୋଟ ସଂକ୍ରମିତ ସଂଖ୍ୟା ୪ ଲକ୍ଷ ୬୯ ହଜାରରେ ପହଞ୍ଚିଛି । ବ୍ରିଟେନରେ ମୋଟ ସଂକ୍ରମିତଙ୍କ ସଂଖ୍ୟା ୨ ଲକ୍ଷ ୮୬ ହଜାରରେ ପହଞ୍ଚିଥିବାବେଳେ ମୃତ୍ୟୁସଂଖ୍ୟା ୧୬୫୨୩ ରେ ପହଞ୍ଚିଛି ।
ଭାରତରେ କରୋନା ଆକ୍ରାନ୍ତ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଇଚାଲିଛି । ଭାରତରେ ଏବେ ମୋଟ ଆକ୍ରାନ୍ତ ସଂଖ୍ୟା ୨ ଲକ୍ଷ ୪୮ ହଜାରରେ ପହଞ୍ଚିଛି । ତେବେ ଭାରତରେ ମୃତ୍ୟୁସଂଖ୍ୟା ୬୯୫୭ରେ ପହଞ୍ଚିଛି ।