୨ କୁଖ୍ୟାତ ମନ୍ଦିର ଲୁଟେରା ଗିରଫ
କାର୍, ଲୁଟ୍ ସାମଗ୍ରୀ ଜବତ
ବାଲିଅନ୍ତା: ବାଳକାଟି ଫାଣ୍ଡି ଅଞ୍ଚଳର ତିନି ତିନିଟି ମନ୍ଦିରରୁ ଲୁଟିଥିବା ଏକ ଗ୍ୟାଙ୍ଗ୍ର ୪ କୁଖ୍ୟାତ ଲୁଟେରା ପୁଲିସ ପଞ୍ଝାରେ ପଡ଼ିଛନ୍ତି। ଗ୍ୟାଙ୍ଗ୍ର ୨ ଜଣ ବାଳକାଟି ଫାଣ୍ଡି ପୁଲିସ ହାବୁଡ଼ରେ ପଡ଼ିଥିବା ବେଳେ ୨ ଜଣଙ୍କୁ ଖାରବେଳନଗର ଥାନା ପୁଲିସ ଗିରଫ କରିଛି। ବାଳକାଟି ଫାଣ୍ଡି ପୁଲିସ ଗିରଫ କରିଥିବା ଦୁଇ ଲୁଟେରା ହେଲେ ସେକ୍ ଆନସ (୨୬) ଓ ସେକ୍ ରମଜାନ(୨୮)। ସେହିଭଳି ଖାରବେଳନଗର ଥାନା ପୁଲିସ କୋର୍ଟ ଚାଲାଣ କରିଥିବା ୨ ଲୁଟେରା ହେଲେ ଶାନ୍ତିନଗର ବସ୍ତିର ସେକ୍ ହାମିଦ୍ ଓ ସେକ୍ ରାଜେଶ।
Sambad is now on WhatsApp
Join and get latest news updates delivered to you via WhatsApp
ଜାମିନ ଆବେଦନ ଖାରଜ ହେବାରୁ ସେମାନଙ୍କୁ ଝାରପଡ଼ା ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି। ସେମାନଙ୍କ ନିକଟରୁ ଗୋଟିଏ କାର୍ ଓ ମନ୍ଦିରରୁ ଲୁଟ୍ ହୋଇଥିବା ବିଭିନ୍ନ ସାମଗ୍ରୀ ଜବତ କରାଯାଇଛି। ପୁଲିସ ସୂଚନାନୁସାରେ ରଣପୁର, ଲୁଣା ଓ ଅଞ୍ଜିରା ଗ୍ରାମ ମହାଦେବ ଓ ଗ୍ରାମ ଦେବତୀ ମନ୍ଦିରରୁ ଏହି ଗ୍ୟାଙ୍ଗ୍ ବିଭିନ୍ନ ପୂଜା ଉପକରଣ ଓ ହୁଣ୍ଡି ଭାଙ୍ଗି ଟଙ୍କା ଲୁଟ୍ କରିଥିଲେ।