ହିମାଂଶୁ ଲାଲ୍ ହେବେ ଅତିରିକ୍ତ ପୁଲିସ କମିସନର
ଭୁବନେଶ୍ୱର : ଭୁବନେଶ୍ୱରର ପୂର୍ବତନ ଡିସିପି ତଥା ୨୦୦୩ ବ୍ୟାଚର ଆଇପିଏସ୍ ଅଫିସର ପୁଣି ଥରେ କମିସନରେଟ୍ ପୁଲିସରେ ଯୋଗଦାନ କରିବେ। ତାଙ୍କୁ ଅତରିକ୍ତ ପୁଲିସ କମିସନର୍ ପଦବି ମିଳିପାରେ ବୋଲି ଚର୍ଚା ହେଉଛି। ତେବେ ବର୍ତମାନ ଏହି ପଦବିରେ ଥିବା ସଂଜୟ ସିଂହ ୩ ମାସ ପାଇଁ ବାହାରକୁ ଯାଉଥିବାରୁ ଶ୍ରୀ ଲାଲ୍ଙ୍କୁ ଏହି ଦାୟିତ୍ୱ ମିଳିବ ବୋଲି ଆଲୋଚନା ହେଉଛି। ଏ ସଂପର୍କରେ ବିଧିବଦ୍ଧ ଭାବେ କୌଣସି ଘୋଷଣା ହୋଇ ନଥିବା ଜଣାପଡ଼ିଛି। ସୂଚନା ଅନୁଯାୟୀ ଶ୍ରୀ ଲାଲ୍ ଡେପୁଟେସନ୍ରେ ଦିଲ୍ଲୀ ଯାଇଥିଲେ। ଦୁଇ ମାସ ତଳେ ସେ ଓଡ଼ିଶା ଫେରି ଆସିଛନ୍ତି।
Sambad is now on WhatsApp
Join and get latest news updates delivered to you via WhatsApp
ହିମାଂଶୁ ଲାଲ ଡିସିପି ଥିବାବେଳେ ରାଜଧାନୀକୁ ଅପରାଧମୁକ୍ତ କରିବାକୁ ଯାଇ ୩ ବର୍ଷରେ ୧୨ ଜଣଙ୍କୁ ଏନ୍କାଉଣ୍ଟର୍ କରିଥିଲେ। ଯାହାକି କମିସନରେଟ ପୁଲିସ ପାଇଁ ଏବେ ବି ରେକର୍ଡ ହୋଇ ରହିଛି।