ଭୁବନେଶ୍ୱର: ଚଳିତ ବର୍ଷ ଖଣ୍ଡଗିରି ମେଳା କେବଳ ମନ୍ଦିର ଭିତରେ ସୀମିତ ରହିବ। ଖଣ୍ଡଗିରି ମେଳାକୁ ନେଇ ରାଜଧାନୀ ଭୁବନେଶ୍ୱର ଓ ଏହାର ଉପକଣ୍ଠରେ ଲୋକେ ଉତ୍ସାହିତ ଥିବା ବେଳେ ଚଳିତ ଥର ମଧ୍ୟ ଗତବର୍ଷ ଭଳି ମେଳାକୁ ମନା କରାଯାଇଛି। ସେହିପରି ଅପେରା, ଅସ୍ଥାୟୀ ଦୋକାନ-ବଜାର ଓ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ବାରଣ କରାଯାଇଛି। ଭୁବନେଶ୍ୱର ମହାନଗର ନିଗମ ପକ୍ଷରୁ ଏନେଇ ଆଦେଶନାମା ଜାରି କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଖଣ୍ଡଗିରିରେ ମାଘ ସପ୍ତମୀ ମେଳାର ଆୟୋଜନ ପାଇଁ ଜାଗମରା ଗ୍ରାମ୍ୟ କମିଟି ପକ୍ଷରୁ ଅନୁମତି ମଗାଯାଇଥିଲ। କିନ୍ତୁ କୋଭିଡ-୧୯ର ୩ୟ ଲହର ଯୋଗୁଁ ସାମାଜିକ ଦୂରତା ପାଳନରେ ଲୋକଙ୍କ ଅବହେଳାକୁ ଦୃଷ୍ଟିରେ ରଖି ବିଏମ୍ସି ପକ୍ଷରୁ ମେଳା, ଯାତ୍ରା ଓ ଅପେରାକୁ ଅନୁମତି ଦିଆଯାଇ ନାହିଁ। ବିଏମ୍ସି ପକ୍ଷରୁ କୁହାଯାଇଛି ଯେ, ମାଘ ସପ୍ତମୀ ମେଳା (ଖଣ୍ଡଗିରି ମେଳା) କେବଳ ମନ୍ଦିର ଭିତରେ ପାଳନ କରାଯାଇପାରିବ।