ଭୁବନେଶ୍ବର : ଆଜି ଭୁବନେଶ୍ବର ଜିଲ୍ଲା କ˚ଗ୍ରେସ କାର୍ଯ୍ୟାଳୟ ପରିସରରେ ୨ଟି ପର୍ଯ୍ୟାୟରେ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ପୂର୍ବାହ୍ନରେ ଆମ୍ ଆଦ୍ମୀ ପାର୍ଟି(ଆପ୍) ନେତା ଓ ଶତାଧିକ କର୍ମୀ କଂଗ୍ରେସ ଦଳରେ ଯୋଗ ଦେଇଥିବା ବେଳେ ଅପରାହ୍ଣରେ ବିେଜଡିର ବହୁସଂଖ୍ୟକ କର୍ମୀ ଯୋଗ ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
କଂଗ୍ରେସ ଦଳ ସୂତ୍ରରୁ କୁହାଯାଇଛି, ପ୍ରଥମ ପର୍ଯ୍ୟାୟରେ ଆପ୍ ନେତା ତଥା ଆଇନଜୀବୀ ସ˚ଗ୍ରାମ କେଶରୀ ଦାସ, ସ˚ଜୀବ ଦାସ, ସନ୍ଧ୍ୟାରାଣୀ ପ୍ରଧାନ, ଦେବେନ୍ଦ୍ର ମହାନ୍ତିି, ସ˚ଜୀବ ମହାନ୍ତିଙ୍କ ସହ ସେମାନଙ୍କର ଶତାଧିକ ସମର୍ଥକ କ˚ଗ୍ରେସରେ ଯୋଗ ଦେଇଛନ୍ତି। ଦ୍ବିତୀୟ ପର୍ଯ୍ୟାୟରେ ଏକାମ୍ର ନିର୍ବାଚନମଣ୍ତଳୀର ବିଜେଡି କର୍ମୀ ମନୋରଞ୍ଜନ ଦାଶ, ସତ୍ୟଶଙ୍କର ଦାସ, ମନୋରଞ୍ଜନ ପାତ୍ର, ସ˚ଗ୍ରାମ କୁମାର, ସୌମ୍ୟ ବେହେରା, ରାଜ କହଁର, ଅଭୟ ସାହୁ, ମିକୁ ସାହୁ, ଦେବେନ୍ଦ୍ର ଦାସ ପ୍ରମୁଖ ଯୋଗଦାନ କରିଥିଲେ। ଏହି ଉପଲକ୍ଷେ ଭୁବନେଶ୍ବର ଜିଲ୍ଲା କ˚ଗ୍ରେସ କାର୍ଯ୍ୟାଳୟରେ ଆୟୋଜିତ ଏକ ମିଶ୍ରଣ ପର୍ବ କାର୍ଯ୍ୟକ୍ରମରେ ଜିଲ୍ଲା କ˚ଗ୍ରେସ ସଭାପତି ମାନସ ଚୌଧୁରୀ, କାର୍ଯ୍ୟକାରୀ ସଭାପତି ରଶ୍ମି ମହାପାତ୍ର, ମହିଳା କ˚ଗ୍ରେସ ସଭାନେତ୍ରୀ ସୁମିତ୍ରା ଜେନା, ପିସିସି ଗଣମାଧ୍ୟମ ଅଧ୍ୟକ୍ଷ ସତ୍ୟପ୍ରକାଶ ନାୟକ, ପିସିସି ସାଧାରଣ ସ˚ପାଦକ ବିଶ୍ବଭୂଷଣ ଦାସ ପ୍ରମୁଖ ଉପରୋକ୍ତ ନେତୃବୃନ୍ଦଙ୍କୁ ଉତ୍ତରୀୟ ଓ ପୁଷ୍ପଗୁଚ୍ଛ ଦେଇ ଦଳକୁ ସ୍ବାଗତ କରିଥିଲେ। କ˚ଗ୍ରେସ ଦଳର ନୀତି ଆଦର୍ଶରେ ଅନୁପ୍ରାଣିତ ହୋଇ ତଥା ପ୍ରଦେଶ କ˚ଗ୍ରେସ ସଭାପତି ନିରଞ୍ଜନ ପଟ୍ଟନାୟକଙ୍କ ନେତୃତ୍ବକୁ ସମର୍ଥନ ଜଣାଇ ବିଜେଡି ଓ ଆପ୍ ଛାଡି କ˚ଗ୍ରେସରେ ଯୋଗଦେଲେ ବୋଲି ନେତୃବୃନ୍ଦମାନେ ସେମାନଙ୍କ ପ୍ରତିକ୍ରିୟାରେ ପ୍ରକାଶ କରିଥିଲେ। ଭୁବନେଶ୍ବର ଜିଲ୍ଲା ୯ ନମ୍ବର ବ୍ଲକ ସଭାପତି ଅଫତାବ ଅଲ୍ଲୀଙ୍କ ସମେତ ଜିଲ୍ଲା କ˚ଗ୍ରେସର କର୍ମକର୍ତାମାନେ ଏହି ମିଶ୍ରଣ ପର୍ବ କାର୍ଯ୍ୟକ୍ରମକୁ ପରିଚାଳନା କରିଥିଲେ।