ଭବିଷ୍ୟ ପୁରାଣ ଅନୁଯାୟୀ ଏହି ସବୁ ସ୍ୱପ୍ନ ଦେଖିଲେ ଖୁବ୍‌ ଶୀଘ୍ର ହୋଇପାରେ ଧନଲାଭ

ଦୁନିଆରେ ସମସ୍ତେ ସ୍ୱପ୍ନ ଦେଖି ଥାଆନ୍ତି । ସେଥି ମଧ୍ୟରୁ କିଛି ସ୍ୱପ୍ନ ଭଲ ଥାଏ ଏବଂ କିଛି ସ୍ୱପ୍ନ ଖରାପ । କିଛି ଲୋକେ ନିଜ ଭବିଷ୍ୟତକୁ ନେଇ ମଧ୍ୟ ସ୍ୱପ୍ନ ଦେଖି ଥାଆନ୍ତି । ତେବେ ସେ ମଧ୍ୟରୁ କିଛି ସ୍ୱପ୍ନ ଆପଣଙ୍କ ଭାଗ୍ୟ ବଦଳାଇବା ଭଳି ଥାଏ ଯାହା ଆପଣ ଦେଖି ମଧ୍ୟ ଜାଣି ପାରନ୍ତି ନାହିଁ । କିଛି ସ୍ୱପ୍ନ ଏମିତି ଥାଏ ଯାହା କି ଆପଣ ଭବିଷ୍ୟତରେ ଧନୀ ହେବେ ବୋଲି ସୂଚାଇଥାଏ । ତେବେ ଆସନ୍ତୁ ଜାଣିବା ସେହି ସ୍ୱପ୍ନ ବିଷୟରେ ଯାହାକୁ ଦେଖିଲେ ଆପଣଙ୍କୁ ଟଙ୍କା ମିଳିବାର ସଙ୍କେତ ହୋଇଥାଏ ।

୧. ଯଦି କେବେ ଆପଣ ସୂର୍ଯ୍ୟ ଦେବତାଙ୍କୁ ସ୍ୱପ୍ନରେ ଦେଖୁଛନ୍ତି, ତା’ହେଲେ ଖୁବ୍‌ ଶୀଘ୍ର ଆପଣଙ୍କୁ ଟଙ୍କା ମିଳିବାର ଅଛି ବୋଲି ଜାଣି ନିଅନ୍ତୁ । ଏହି ସ୍ୱପ୍ନ ସୂର୍ଯ୍ୟଙ୍କର ଉଜ୍ଜ୍ୱଳ କିରଣ ଭଳି ଆପଣଙ୍କ ଜୀବନକୁ ମଧ୍ୟ ଉଜ୍ଜ୍ୱଳ କରିଦେବ ।

୨.ସୂର୍ଯ୍ୟଙ୍କ ଭଳି ଯଦି ସ୍ୱପ୍ନରେ ଚନ୍ଦ୍ରକୁ ଦେଖୁଛନ୍ତି, ତା’ହେଲେ ଖୁବ୍‌ ଶୀଘ୍ର ଆପଣ ଧନୀ ହେବାକୁ ଯାଉଛନ୍ତି ବୋଲି ଜାଣି ନିଅନ୍ତୁ ।

୩. ଆଜିକାଲି ସମସ୍ତଙ୍କର କେଶ ଝଡ଼ିବାର ଅସୁବିଧା ଦେଖା ଦେଉଛି । ଯାହା କି ଅତି ସାଧାରଣ କଥା । କିନ୍ତୁ ଯଦି ଆପଣ କେଶ ଝଡ଼ିବାକୁ ସ୍ୱପ୍ନରେ ଦେଖୁଛନ୍ତି ତା’ହେଲେ ମା’ଲକ୍ଷ୍ମୀଙ୍କର କୃପା ଆପଣଙ୍କ ଉପରେ ଖୁବ୍‌ ଶୀଘ୍ର ହେବାକୁ ଯାଉଛି ବୋଲି ଜାଣି ନିଅନ୍ତୁ ।

୪.ଝିଅମାନେ ସଜବାଜ ହେବା ପାଇଁ ଅଧିକ ପସନ୍ଦ କରିଥାଆନ୍ତି । ଖାସ୍‌ କରି ପୂଜାପର୍ବ ଓ ଉତ୍ସବରେ ଝିଅମାନେ ସଜବାଜ ହୋଇଥାଆନ୍ତି । କିନ୍ତୁ ଆପଣ କେବେ ଭାବିଛନ୍ତି କି ସ୍ୱପ୍ନରେ ନିଜକୁ ସଜ ହେବାର ଦେଖିବା କ’ଣ ସୂଚାଇଥାଏ? ଏହାର ମାନେ ହେଉଛି ଯେମିତି ସଜ ହେବା ପରେ ଆପଣଙ୍କ ମୁହଁ ସୁନ୍ଦର ଦିଶୁଛି, ସେଭଳି ଭାବେ ଆଗକୁ ଆପଣଙ୍କ ପର୍ସ ମଧ୍ୟ ଟଙ୍କାରେ ସୁନ୍ଦର ଦେଖାଯିବ ବୋଲି ଜାଣି ନିଅନ୍ତୁ ।

୫.ଗାଇ କ୍ଷୀର ଦିଏ ତାହା ଆମେ ସମସ୍ତେ ଜାଣିବା ସହ ଦେଖିଛେ ମଧ୍ୟ । କିନ୍ତୁ ଆପଣ ସେଭଳି କିଛି ଦୃଶ୍ୟ ନିଜ ସ୍ୱପ୍ନରେ ଦେଖିଛନ୍ତି କି? ଯଦି କେବେ ସ୍ୱପ୍ନରେ ଗାଇର କ୍ଷୀର ଦୁହାଁ ଯାଉଥିବାର ଆପଣ ସ୍ୱପ୍ନରେ ଦେଖନ୍ତି ତେବେ ଆପଣ ଖୁବ୍‌ ଶୀଘ୍ର ଧନୀ ହେବାକୁ ଯାଉଛନ୍ତି ବୋଲି ଜାଣି ନିଅନ୍ତୁ ।