ଈଶାନ କିଶନଙ୍କ ବିସ୍ଫୋରକ ୮୧ ରନ୍ ବଳରେ ଦିଲ୍ଲୀ କ୍ୟାପିଟାଲ୍ସକୁ ୧୭୮ ରନର ବିଜୟ ଲକ୍ଷ୍ୟ ଦେଲା ମୁମ୍ବାଇ ଇଣ୍ଡିଆନ୍ସ
ମୁମ୍ବାଇ: ବାବୋର୍ଣ୍ଣ ଷ୍ଟାଡିୟମରେ ଦିଲ୍ଲୀ କ୍ୟାପିଟାଲ୍ସ ଓ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଚାଲିଥିବା ଆଇପିଏଲ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସ ଟସ୍ ଜିତି ମୁମ୍ବାଇ ଇଣ୍ଡିଆନ୍ସକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା। ମୁମ୍ବାଇ ଇଣ୍ଡିଆନ୍ସକୁ ପ୍ରଥମେ ବ୍ୟାଟିଂ କରି ୫ ଓ୍ଵିକେଟ୍ ହରାଇ ୧୭୭ ରନ୍ କରିଛି। ମୁମ୍ବାଇ ଇଣ୍ଡିଆନ୍ସ ତରଫରୁ ଓପନର ରୋହିତ ଶର୍ମା ଓ ଈଷାନ କିଶନ୍ ୮.୨ ଓଭରରେ ୬୭ ରନ୍ ଯୋଡିଥିଲେ। ଅଧିନାୟକ ରୋହିତ୍ ଶର୍ମା ୩୨ଟି ବଲ୍ ଖେଳି ୪ଟି ଚୌକା ଓ ୨ଟି ଛକା ସହ ୪୨ ରନ୍ କରି ଆଉଟ୍ ହୋଇଥିଲେ। ଏହାପରେ ବ୍ୟାଟଂ କରିବାକୁ ଆସିଥିବା ଅନମୋଲପ୍ରୀତ୍ ସିଂହ ମାତ୍ର ୯ ରନରେ ଆଉଟ୍ ହୋଇଥିଲେ। ତିଳକ୍ ବର୍ମା ୧୫ଟି ବଲ୍ ଖେଳି ୩ଟି ଚୌକା ସହ ୨୨ ରନରେ ଆଉଟ୍ ହୋଇଥିଲେ। ବିସ୍ଫୋରକ ବ୍ୟାଟର୍ କିରନ୍ ପୋଲାର୍ଡ ୬ଟି ବଲ୍ ଖେଳି ମାତ୍ର ୩ ରନରେ ଆଉଟ୍ ହୋଇଥିଲେ।
Sambad is now on WhatsApp
Join and get latest news updates delivered to you via WhatsApp
ମୁମ୍ବାଇ ଇଣ୍ଡିଆନ୍ସ ତରଫରୁ ବାମହାତୀ ବ୍ୟାଟର୍ ଈଶାନ କିଶନ ସବୁଠୁ ଭଲ ଖେଳି ୪୮ଟି ବଲ୍ ଖେଳି ୧୧ଟି ଚୌକା ଓ ୨ଟି ଛକା ସହ ଅପରାଜିତ ୮୧ ରନ୍ କରିଥିଲେ। ଟିମ୍ ଡେଭିଡ୍ ୧୨ ରନରେ ଆଉଟ୍ ହୋଇଥିଲେ। ଡାନିଏଲେ ସାମ୍ସ ୨ଟି ବଲରେ ୭ ରନ୍ କରି ଅପରାଜିତ ଥିଲେ। ଦିଲ୍ଲୀ କ୍ୟାପିଟାଲ୍ସ ପକ୍ଷରୁ କୁଳଦୀପ ଯାଦବ ୩ଟି ଖଲିଲ୍ ଅହମ୍ମଦ ୨ଟି ଓ୍ଵିକେଟ୍ ନେଇଥିଲେ।