ବିଶ୍ୱର ୧ ନମ୍ବର ଅଲରାଉଣ୍ଡର ସାକିବ୍ ଅଲ୍ ହାସନ୍ କ୍ରିକେଟରୁ ୨ ବର୍ଷ ପାଇଁ ବାସନ୍ଦ
ଢାକା: ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ବାଂଲାଦେଶର ଅଧିନାୟକ ତଥା ବିଶ୍ୱର ୧ ନମ୍ବର ଅଲରାଉଣ୍ଡର ସାକିବ୍ ଅଲ୍ ହାସନ୍ଙ୍କୁ ୨ ବର୍ଷ ପାଇଁ ବାସନ୍ଦ କରିଛି। ଆଇସିସିର ଏହି କଟକଣା ପରେ ସାକିବ୍ ଅଲ୍ ହାସନ୍ ଆଗାମୀ ୨ ବର୍ଷ ପର୍ଯ୍ୟନ୍ତ କୌଣସି ପ୍ରକାରର କ୍ରିକେଟ ଖେଳି ପାରିବେ ନାହିଁ। ଆଇସିସି ଆଣ୍ଟି କରପସନ ନିୟମକୁ ଉଲଂଘନ କରିଥିବା ସାକିବୁଲ ମଧ୍ୟ ନିଜେ ସ୍ୱୀକାର କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
— ICC (@ICC) October 29, 2019
ଏହି ନିଲମ୍ବନ ଆଦେଶରୁ ସ୍ପଷ୍ଟ ହୋଇଛି ଯେ, ସେ ଆଗାମୀ ଭାରତ-ବାଲାଂଦେଶ ଗସ୍ତରେ ସାକିବ୍ ଅଲ୍ ହାସନ୍ ଖେଳି ପାରିବେ ନାହିଁ। ତାଙ୍କୁ ଏହି ଗସ୍ତ ପାଇଁ ପୂର୍ବରୁ ଅଧିନାୟକ ଭାବେ ନିଯୁକ୍ତି କରାଯାଇଥିଲା। ବାଂଲାଦେଶ ଟିମ୍ ଭାରତରେ ୩ ଟି-୨୦ ଅନ୍ତର୍ଜାତୀୟ ଓ ୨ଟି ଟେଷ୍ଟ ମ୍ୟାଚ୍ର ଶୃଙ୍ଖଳା ଖେଳିବାକୁ ଅଛି।
ସାକିବ୍ ଅଲ୍ ହାସନ୍ଙ୍କ ଉପରେ ଅଭିଯୋଗ ଥିଲା ଯେ, ବାଂଲାଦେଶ, ଶ୍ରୀଲଙ୍କା ଓ ଜିମ୍ବାେଓ୍ଵ ବିପକ୍ଷରେ ଜାନୁଆରିରେ ଖେଳାଯାଇଥିବା ତ୍ରିପାକ୍ଷୀକ ଶୃଙ୍ଖଳା ୨୦୧୮ ଓ ଆଇପିଏଲ ୨୦୧୮ରେ ସଟ୍ଟା ଖେଳାଳିଙ୍କ ସହିତ ସଂପର୍କ ଥିଲା।