କାନବେରା: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଆଜି ମାନୁକା ଓଭାଲ୍ରେ ଆରମ୍ଭ ହେଉଥିବା ଟି-୨୦ ସିରିଜର ପ୍ରଥମ ମ୍ୟାଚ୍ରେ ଟସ୍ ଜିଣି ଅଷ୍ଟ୍ରେଲିଆ ଫିଲ୍ଡିଙ୍ଗ୍ କରିବାକୁ ନିଷ୍ପତ୍ତି ଗ୍ରହଣ କରିଛି। ଦିନ ୧: ୧୦ରେ ପଡ଼ିଥିବା ଟସ୍ ଅଷ୍ଟ୍ରେଲୀୟ କ୍ୟାପ୍ଟେନ୍ ଆରୋନ୍ ଫିଞ୍ଚ୍ଙ୍କ ସପକ୍ଷରେ ଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ଏହି ପ୍ରତୀକ୍ଷିତସିରିଜରେ ଉଭୟ ଦଳ ତିନିଟି ମ୍ୟାଚ୍ ଖେଳିବେ। କୋଭିଡ୍-୧୯ ସଙ୍କଟ ପାଇଁ ଦୀର୍ଘ ୯ ମାସ ପରେ ଖେଳିଥିବା ଏକଦିବସୀୟ ଶୃଙ୍ଖଳାକୁ ୧-୨ରେ ହାରିଥିଲେ ମଧ୍ୟ ଶେଷ ମ୍ୟାଚ୍କୁ ଜିତି ଭାରତ ଆତ୍ମବିଶ୍ବାସର ସହ ଟି-୨୦ ଶୃଙ୍ଖଳାକୁ ଆସିଛି। ଅନ୍ୟପକ୍ଷରେ ଅଷ୍ଟ୍ରେଲିଆ ନିଜ ଘରୋଇ ପରିବେଶରେ ଆଉ ଏକ ଶୃଙ୍ଖଳା ଜିତିବା ଆଶାରେ ରହିଛି। ଦିନିକିଆରେ ବିକଳ୍ପର ଅଭାବ ପାଇଁ ଚିନ୍ତାରେ ଥିବା ଭାରତ ପାଖରେ କିନ୍ତୁ ଟି-୨୦ରେ ଭିନ୍ନ ଭିନ୍ନ ଭୂମିକା ତୁଲାଇ ପାରୁଥିବାର ବହୁ ଦକ୍ଷ ଖେଳାଳି ରହିଛନ୍ତି।
ଭାରତୀୟ ଏକାଦଶ : କେଏଲ୍ ରାହୁଲ (ଉଇକେଟ୍ ରକ୍ଷକ), ଶିଖର ଧାଓ୍ଵନ, ବିରାଟ କୋହଲି (ଅଧିନାୟକ), ମନୀଷ ପାଣ୍ଡେ, ସଞ୍ଜୁ ସାମ୍ସନ୍, ହାର୍ଦ୍ଦିକ ପାଣ୍ଡ୍ୟା, ରବୀନ୍ଦ୍ର ଜାଡ଼େଜା, ଓ୍ଵାସିଂଟନ୍ ସୁନ୍ଦର, ଦୀପକ ଚହର, ମହମ୍ମଦ ଶାମି ଏବଂ ଟି-୨୦ରେ ଡେବ୍ୟୁ କରୁଥିବା ଟି ନଟରାଜନ୍।
ଅଷ୍ଟ୍ରେଲିଆ ଏକାଦଶ : ଆରୋନ୍ ଫିଞ୍ଚ୍ (ଅଧିନାୟକ), ଡି’ଆର୍କି ସର୍ଟ, ମାଥ୍ୟୁ ଓ୍ଵାଡେ, ଷ୍ଟିଭେନ୍ ସ୍ମିଥ୍, ଗ୍ଲେନ୍ ମ୍ୟାକ୍ସେଓ୍ଵଲ୍, ମୋଜେସ୍ ହେନ୍ରିକ୍ୟୁଜ୍, ସିନ୍ ଆବୋଟ୍, ମିଚେଲ୍ ଷ୍ଟାର୍କ, ମିଚେଲ୍ ସ୍ୱେପ୍ସନ୍, ଆଦାମ ଜାମ୍ପା ଏବଂ ଜୋସ୍ ହେଜେଲ୍ଉଡ୍।