ଭୁବନେଶ୍ୱର: ହେଲମେଟ ନ ପିନ୍ଧି ଶୋଭାଯାତ୍ରାରେ ଭାଗ ନେବା କିଛି ବିଜେଡ଼ି କର୍ମୀଙ୍କୁ ମହଙ୍ଗା ପଡିଛି | ହେଲମେଟ ପିନ୍ଧି ନଥିବାରୁ ସେମାନଙ୍କୁ ଜରିମାନା ଦେବାକୁ ପଡ଼ିଛି | ଡିସେମ୍ବର ୨୬ ତାରିଖରେ ବିଜେଡ଼ି ପ୍ରତିଷ୍ଠା ଦିବସରେ କିଛି କର୍ମୀ ହେଲମେଟ ନ ପିନ୍ଧି ଶୋଭାଯାତ୍ରାରେ ଯାଇଥିଲେ | ଏ ନେଇ ସୋସିଆଲ ମିଡିଆରେ ଚର୍ଚ୍ଚା ଜୋର ଧରିବା ପରେ ଆଜି ୧୦ ଜଣ ବିଜେଡ଼ି କର୍ମୀ ଜରିମାନା ଭରିଛନ୍ତି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ବିଜୁ ଜନତା ଦଳର ପ୍ରତିଷ୍ଠା ଦିବସ ଦିନ ବିଶାଳ ପଟୁଆରରେ ବିଜେଡ଼ି କର୍ମୀମାନେ ବାଇକ ଶୋଭାଯାତ୍ରା କରିଥିଲେ। ଏହି ଶୋଭାଯାତ୍ରାରେ ସାମିଲ୍ କିଛି କର୍ମୀ ହେଲମେଟ ପିନ୍ଧି ନ ଥିବାର ଦେଖାଯାଇଥିଲା | ଏହାକୁ ନେଇ ସୋସିଆଲ ମିଡିଆରେ ଚର୍ଚ୍ଚା ଜୋର ଧରିବା ପରେ ଡିସେମ୍ବର ୨୮ ତାରିଖରେ କମିସନରେଟ ପୁଲିସ ପକ୍ଷରୁ ଟ୍ୱିଟ କରି ଶୋଭାଯାତ୍ରା ସମୟର ସିସିଟିଭି ଭିଡିଓକୁ ଦେଖାଯାଇଥିବା କଥା କୁହାଯାଇଥିଲା | ଏହା ସହ ସାରା ଦେଶରେ ରାଜନୈତିକ ଦଳମାନେ ଏଭଳି ବିନା ହେଲମେଟରେ ଶୋଭାଯାତ୍ରା କରୁଥିବା କଥା ମଧ୍ୟ ଲେଖାଯାଇଥିଲା | ଭବିଷ୍ୟତରେ ଏ ନେଇ ପଦକ୍ଷେପ ନିଆଯିବ ବୋଲି ସୂଚନା ଦିଆଯାଇଥିଲା।
We’re already looking at the CCTV footage on violation of Helmet rule during a rally in Bhubaneswar & will launch some prosecutions.
Also, this being a problem in all political rallies in India, we’ve to devise ways for dealing with it in future.@SarangiSudhansu @sagarika_nath— COMMISSIONERATE POLICE (@cpbbsrctc) December 28, 2019
ଯଦିଓ କାର୍ଯ୍ୟାନୁଷ୍ଠାନ କ’ଣ ହେବ କେଉଁମାନଙ୍କ ଉପରେ ଗ୍ରହଣ କରାଯିବ କମିସନରେଟ ପୁଲିସ ପକ୍ଷରୁ ସ୍ପଷ୍ଟ କରାଯାଇ ନ ଥିଲେ ମଧ୍ୟ କାର୍ଯ୍ୟାନୁଷ୍ଠାନ ନିଆଯିବ ବୋଲି ଟ୍ୱିଟ କରାଯାଇଥିଲା। ଆଜି ୧୦ ଜଣ ବିଜେଡ଼ି କର୍ମୀ ବିନା ହେଲମେଟରେ ଗାଡି ଚଳାଇଥିବାରୁ ଜରିମାନା ଭରିଛନ୍ତି |