କେନ୍ଦୁଝର ସାଂସଦ ଚନ୍ଦ୍ରାଣୀ ମୁର୍ମୁଙ୍କୁ ନେଇ ପ୍ରଶ୍ନ ପଚାରିଲେ ବିଗ୍ ବି, ଉତ୍ତର ଦେଇ ପ୍ରତିଯୋଗୀ ଜିତିଲେ ୬ ଲକ୍ଷ ଟଙ୍କା
ଭୁବନେଶ୍ୱର : ଭାରତୀୟ ସଂସଦରେ ସର୍ବ କନିଷ୍ଠା ସାଂସଦ ଭାବେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି ଓଡ଼ିଆ ଝିଅ ଚନ୍ଦ୍ରାଣୀ ମୁର୍ମୁ । ଯିଏକି ଲୋକସଭାରେ ଓଡ଼ିଆ ଭାଷାରେ ଆରମ୍ଭ କରିଥିଲେ ନିଜର ପ୍ରଥମ ଅଭିଭାଷଣ । ତେବେ କେନ୍ଦୁଝର ଜିଲ୍ଲାରୁ ଦିଲ୍ଲୀ ଯାଏଁ ଚନ୍ଦ୍ରାଣୀ ମୁର୍ମୁଙ୍କର ଯାତ୍ରା ଥିଲା ଖୁବ୍ ରୋମାଂଚକରେ । ଏହାରି ଭିତରେ ରାଜନୈତିକ ଇତିହାସରେ ଆଉ ଏକ ନୂଆ ଫର୍ଦ୍ଦ ଯୋଡିଛନ୍ତି ଚନ୍ଦ୍ରାଣୀ ।
Sambad is now on WhatsApp
Join and get latest news updates delivered to you via WhatsApp
ବର୍ତ୍ତମାନ ଚନ୍ଦ୍ରାଣୀ ଭାରତରେ ଏତେ ଚର୍ଚ୍ଚିତ ହୋଇଗଲେଣି କି ସୋନି ଟେଲିଭିଜନରେ ପ୍ରସାରିତ ଲୋକପ୍ରିୟ କୁଇଜ୍ ସୋ’ ‘କୌନ ବନେଗା କରୋଡ ପତି’ରେ ନିଜର ନାଁ ଯୋଡି ସାରିଛନ୍ତି । ଚନ୍ଦ୍ରାଣୀ ମୁର୍ମୁଙ୍କ ଉପରେ ପର୍ଯ୍ୟବେଶିତ ଏକ ପ୍ରଶ୍ନର ଉତ୍ତର ଦେଇ କେବିସିରେ ଜଣେ ମହିଳା ପ୍ରତିଯୋଗୀ ଜିତିଛନ୍ତି ୬ ଲକ୍ଷ ୪୦ ହଜାର ଟଙ୍କା ।
ପ୍ରଶ୍ନଟି ଏଭଳି ଥିଲା କି, ୨୦୧୯ ଲୋକସଭା ନିର୍ବାଚନରେ ସବୁଠୁ କମ ବୟସର ସାଂସଦଙ୍କ ନାମ କଣ ? ଆଉ ଏହି ପ୍ରଶ୍ନର ଉତ୍ତର ଥିଲା ଚନ୍ଦ୍ରାଣୀ ମୁର୍ମୁ । ତେବେ ଭାରତୀୟ ଲୋକସଭା ଇତିହାସରେ ଜଣେ ଓଡ଼ିଆ ଝିଅ ଏଭଳି ଏକ ଅଧ୍ୟାୟ ଯୋଡିବା ନିଶ୍ଚୟ ଓଡ଼ିଶାବାସୀଙ୍କ ପାଇଁ ଅତ୍ୟନ୍ତ ଗର୍ବର ବିଷୟ । ଉଲ୍ଲେଖ ଥାଉ କି, ମାତ୍ର ୨୬ ବର୍ଷ ବୟସରେ କେନ୍ଦୁଝର ସାଂସଦ ହୋଇଛନ୍ତି ଚନ୍ଦ୍ରାଣୀ ମୁର୍ମୁ । ଚନ୍ଦ୍ରାଣୀ ମୁର୍ମୁ କେନ୍ଦୁଝରର ପୂର୍ବତନ ସାଂସଦ ହରିହର ସୋରେନଙ୍କ ନାତୁଣୀ । ଚନ୍ଦ୍ରାଣୀ ୨୦୧୭ରେ ବି-ଟେକ୍ ପାସ୍ କରିଛନ୍ତି ।