ଚାଷୀଙ୍କୁ ଖୁସି କଲେ ନବୀନ ସରକାର : ବଜେଟରେ କାଳିଆ ଯୋଜନା ପାଇଁ ୫୬୧୧ କୋଟି ଟଙ୍କାର ବ୍ୟୟବରାଦ

ଭୁବନେଶ୍ବର: ବିଧାନସଭାରେ ଉପସ୍ଥାପନ ହୋଇଛି ନବୀନ ସରକାରର ପଞ୍ଚମ ପାଳିର ପ୍ରଥମ ବଜେଟ । ୨୦୧୯-୨୦ ଆର୍ଥିକ ବର୍ଷ ପାଇଁ ମୋଟ ୧ ଲକ୍ଷ ୩୦ ହଜାର କୋଟି ଟଙ୍କାର ବଜେଟ ବ୍ୟୟବରାଦ କରାଯାଇଛି । ଆଉ ଚଳିତ ବଜେଟରେ କାଳିଆ ଯୋଜନାକୁ ଗୁରୁତ୍ୱ ଦିଆଯାଇଛି । ୨୦୧୯-୨୦ ଆର୍ଥିକ ବର୍ଷ ପାଇଁ କାଳିଆ ଯୋଜନା ପାଇଁ ବଜେଟରେ ୫୬୧୧ କୋଟି ଟଙ୍କାର ବ୍ୟୟବରାଦ କରାଯାଇଛି । ଚାଷୀଙ୍କୁ ଆର୍ଥିକ ସହାୟତା ବାବଦକୁ ଏହି ଟଙ୍କା ଦିଆଯିବ । ରାଜ୍ୟର ପ୍ରାୟ ୭୫ ଲକ୍ଷ ଚାଷୀ ଏହି ଯୋଜନାର ଫାଇଦା ପାଇପାରିବେ ।

ଚାଷ ପାଇଁ କୃଷକଙ୍କୁ ଆର୍ଥିକ ସହାୟତା ଯୋଗାଇଦେବାକୁ ଗତବର୍ଷ କାଳିଆ ଯୋଜନାର ଆରମ୍ଭ କରିଥିଲେ ନବୀନ ସରକାର । ରାଜ୍ୟ ସରକାରଙ୍କ ଏହି ଯୋଜନା ସେତେବେଳେ ଦେଶରେ ଚହଳ ପକାଇଥିଲା । ରଣ ଛାଡ ବଦଳରେ ଚାଷୀଙ୍କୁ ଆର୍ଥିକ ସହୟତା ଦେବାକୁ କାଳିଆ ଯୋଜନାର ଘୋଷଣା କରି ପୂରା ଦେଶରୁ ବାହାବା ସାଉଁଟିଥିଲେ ରାଜ୍ୟ ସରକାର । ଓଡିଶା କୃଷି ଉପରେ ନିର୍ଭରଶୀଳ ଥିବା ବେଳେ ଚାଷୀଙ୍କୁ ଫୋକସରେ ରଖିଛନ୍ତି ନବୀନ ସରକାର ।