ନୂଆଦିଲ୍ଲୀ:କେତେବେଳେ ଆକ୍ସନ ଷ୍ଟାର୍, କେତେବେଳେ ରୋମାନ୍ସର ବାଦଶାହ ପୁଣି କେତେବେଳେ କମେଡି କିଙ୍ଗ ଏଭଳି ଏକାଧିକ ଚରିତ୍ରରେ ସେ ନଜର ଆସିଛନ୍ତି ପରଦା ଉପରେ । ୯୦ ଦଶକରୁ ହିନ୍ଦୀ ଫିଲ୍ମ ଦଶକରେ ନିଜର ଅଭିନୟର ଟ୍ୟାଲେଂଟ୍ ପରିବେଷଣ କରି ଆସୁଥିବା ଏହି ଷ୍ଟାର୍ ଜଣକ ହେଉଛନ୍ତି ଅକ୍ଷୟ କୁମାର । ଯିଏ କି ଖିଲାଡି କୁୁମାର୍ ଭାବେ ବେଶ୍ ଜଣାଯାଆନ୍ତି । ୯ ସେପ୍ଟେମ୍ବର ୧୯୬୭ରେ ଜନ୍ମ ଗ୍ରହଣ କରିଥିବା ଅକ୍ଷୟଙ୍କ ପ୍ରକୃତ ନାମ ହେଉଛି ରାଜୀବ୍ ଭାଟିଆ ।
Sambad is now on WhatsApp
Join and get latest news updates delivered to you via WhatsApp
ଆକ୍ଟର୍, ପ୍ରଡ୍ୟୁସର ଆଣ୍ଡ ମାର୍ସାଲ୍ ଆର୍ଟିଷ୍ଟ ଅକ୍ଷୟ କୁମାର୍ ପଂଜାବ ଅମୃତସରରେ ଜନ୍ମ ହୋଇଥିଲେ ବି ସେ ଦିଲ୍ଲୀରେ ବଢିଛନ୍ତି । ତାଙ୍କ ଜନ୍ମଦିନକୁ ନେଇ ଆଜି ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ବାଲୁକା କଳା ନିର୍ମାଣ କରିଛନ୍ତି | ତେବେ ଏହି ବାଲୁକା କଳାକୁ ଖୁବ ପସନ୍ଦ କରିଛନ୍ତି ଅକ୍ଷୟ କୁମାର |
ଏହି ବାଲୁକା କଳାଟି ଖୁବ ସୁନ୍ଦର ବୋଲି ଅକ୍ଷୟ ଟ୍ୱିଟରରେ ଲେଖିଛନ୍ତି | ଖିଲାଡୀ ଷ୍ଟାରଙ୍କ ଜନ୍ମଦିନ ଅବସରରେ ସୁଦର୍ଶନ ଲେଖିଥିଲେ ଯେ ଉଚ୍ଚକୋଟିର ଅଭିନୟ ସହ ସାମାଜିକ ବାର୍ତ୍ତା ସବୁବେଳେ ଅନୁପ୍ରେରଣା ଦେଇଥାଏ | ଏହାକୁ ରିଟ୍ୱିଟ୍ କରି ଖିଲାଡୀ ଷ୍ଟାର ଅକ୍ଷୟ କୁମାର ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି |