ଭୁବନେଶ୍ୱର: ସଙ୍ଗରୋଧରେ ଗଲେ ଡାକ୍ତର ଓ ଆଟେଡାଣ୍ଟ । ଭୁବନେଶ୍ୱର ଏମ୍ସର ୪ ଡାକ୍ତରଙ୍କ ସହ ୨ ସହକର୍ମୀଙ୍କୁ ବାଧ୍ୟତାମୂଳକ ଭାବେ ସଙ୍ଗରୋଧରେ ରହିବା ପାଇଁ ପଠାଯାଇଛି । ଜଣେ କରୋନା ଆକ୍ରାନ୍ତ ଡ୍ରାଇଭରଙ୍କ ଚିକିତ୍ସା କରିଥିବାରୁ ଡାକ୍ତର ଓ ସହଯୋଗୀଙ୍କୁ କ୍ଵାରେଣ୍ଟିନରେ ପଠାଯାଇଛି । ଦୁର୍ଘଟଣାରେ ଆହତ ମହାରାଷ୍ଟ୍ରର ଡ୍ରାଇଭର ଜଣଙ୍କ ଭୁବନେଶ୍ୱର ଏମ୍ସରେ ଭର୍ତ୍ତି ହେବା ପରେ ତାଙ୍କ ଚିକିତ୍ସା କରାଯାଇଥିଲା । ଆଉ ପରେ ସେ ଡ୍ରାଇଭର ଜଣଙ୍କ କରୋନା ପଜିଟିଭ ଚିହ୍ନଟ ହୋଇଥିଲେ । ଏହାପରେ ଡ୍ରାଇଭରଙ୍କ ଚିକିତ୍ସା କରିଥିବା ଡାକ୍ତର ଓ ସହକର୍ମୀଙ୍କୁ କ୍ଵାରେଣ୍ଟିନରେ ପଠାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏଠାରେ ସୂଚନା ଥାଉ କି ଏହି ୪୨ ବର୍ଷୀୟ ଡ୍ରାଇଭର ଜଣକ ମହାରାଷ୍ଟ୍ରରୁ ଟ୍ରକ ନେଇ ଓଡିଶା ଆସୁଥିବାବେଳେ ଦୁର୍ଘଟଣାର ଶିକାର ହୋଇଥିଲେ | ଏହା ପରେ ତାଙ୍କୁ ଭୁବନେଶ୍ୱର ଏମ୍ସରେ ଭର୍ତ୍ତି କରାଯାଇଥିଲା | ତେବେ ମହାରାଷ୍ଟ୍ରରୁ ଆସିଥିବାରୁ ତାଙ୍କର ନମୁନା ପରୀକ୍ଷା କରାଯାଇଥିଲା | ଆଉ ଡ୍ରାଇଭର ଜଣକ କରୋନା ପଜିଟିଭ ବୋଲି ଜଣାପଡ଼ିଥିଲେ |
ଏହା ପରେ ଚିକିତ୍ସା କରିଥିବା ଡାକ୍ତରଙ୍କ ସଂସ୍ପର୍ଶରେ ଯେଭଳି ଆଉ କେହି ରୋଗୀ ନ ଆସିବେ ସେଥିପାଇଁ ୪ ଡାକ୍ତରଙ୍କ ସହ ୨ ସହକର୍ମୀଙ୍କୁ ବାଧ୍ୟତାମୂଳକ ଭାବେ ସଙ୍ଗରୋଧରେ ରହିବା ପାଇଁ ପଠାଯାଇଛି | ଏଠାରେ ସୂଚନା ଥାଉ କି ବର୍ତ୍ତମାନ ରାଜ୍ୟରେ ୪୧୪ ଜଣ କରୋନା ପଜିଟିଭ ଚିହ୍ନଟ ହୋଇଥିବାବେଳେ ୩୨୬ଟି ସକ୍ରିୟ ମାମଲା ରହିଛି |