୨୦୨୪ ମାର୍ଚ୍ଚ ସୁଦ୍ଧା ମାଲକାନଗିରିକୁ ବିମାନ ଉଡିବ: ମୁଖ୍ୟ ସଚିବ
ଭୁବନେଶ୍ବର/ମାଲକାନଗିରି: କେନ୍ଦ୍ରମନ୍ତ୍ରୀଙ୍କ ଭଳି ରାଜ୍ୟ ସରକାର ଆକାଂକ୍ଷା ଜିଲ୍ଲାର ସମୀକ୍ଷା କରୁଛନ୍ତି। ରାଜ୍ୟ ମୁଖ୍ୟ ଶାସନ ସଚିବ ସୁୁରେଶ ଚନ୍ଦ୍ର ମହାପାତ୍ର ଆଜିଠାରୁ ୪ ଦିନିଆ କୋରାପୁଟ ଓ ମାଲକାନଗିରି ଜିଲ୍ଲା ଗସ୍ତ କରିଛନ୍ତି। ରାଜ୍ୟ ସରକାରଙ୍କ ବରିଷ୍ଠ ଅଧିକାରୀଙ୍କ ଉପସ୍ଥିତିରେ ସେ ପ୍ରଥମ ଦିନରେ ମାଲକାନଗିରି ଜିଲ୍ଲାର ବିଭିନ୍ନ ଉନ୍ନୟନ ମୂଳକ ପ୍ରକଳ୍ପର ସମୀକ୍ଷା କରିଛନ୍ତିି। ମୁଖ୍ୟ ସଚିବଙ୍କ ଏହି ଗସ୍ତରେ ସ୍ବାଭିମାନ ଅଂଚଳ ଓ ମାଲକାନଗିରି ଏୟାର ଷ୍ଟ୍ରିପ୍, ପାନୀୟ ଜଳ ଓ ରାସ୍ତା ଆଦି ଫୋକସ ରହିଛି।
Sambad is now on WhatsApp
Join and get latest news updates delivered to you via WhatsApp
ଏହି ଗସ୍ତ ଅବସରରେ ମୁଖ୍ୟ ଶାସନ ସଚିବ ଶ୍ରୀ ମହାପାତ୍ର କହିିଛନ୍ତି ଯେ, ୨୦୨୪ ମସିହା ମାର୍ଚ୍ଚ ସୁଦ୍ଧା ମାଲକାନଗିରିକୁ ବିମାନ ଉଡିବ। ଏୟାର ଷ୍ଟ୍ରିପ୍ ଲାଗି ଜମି ଓ ଜଂଗଲ ଅଧିଗ୍ରହଣ ସରିଛି। ଖୁବ ଶୀଘ୍ର ଟେଣ୍ଡର ଓହଓ୍ବାନ କରିବ ପୁର୍ତ୍ତ ବିଭାଗ। ମୁଖ୍ୟ ଶାସନ ସଚିବ ଆସନ୍ତାକାଲି ସ୍ବାଭିମାନ ଅଂଚଳ ଗସ୍ତ କରିବାର କାର୍ଯ୍ୟକ୍ରମ ରହିଛି।