ଭୁବନେଶ୍ୱର : ଓଡ଼ିଶା ପ୍ରଫେସର ତଥା ସାଇକେଲ ଚାଳକ ଏସ ଏସ ଏସ ସମିମ୍ ଏକ ବିରଳ ସଫଳତା ହାସଲ କରିଛନ୍ତି । ନିକଟରେ ସେ ପ୍ରାୟ ୨ ହଜାର କିଲୋମିଟର ଦୀର୍ଘ ମାଲେସିଆନ ପେନିନସୁଲାର ରାଇଡ ମାତ୍ର ୧୪ ଦିନରେ ସଂପୂର୍ଣ୍ଣ କରି ଏହି ସଫଳତା ହାସଲ କରିଛନ୍ତି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ରୋଟାରୀ କାର୍ଯ୍ୟକ୍ରମ ସଂପର୍କରେ ସଚେତନତା ସୃଷ୍ଟି ଓ ଶିଶୁମାନଙ୍କ ଶିକ୍ଷା ଲାଗି ପାଣ୍ଠି ସଂଗ୍ରହ ଉଦ୍ଦେଶ୍ୟରେ ସେ ଏହି ସାଇକେଲ ଭ୍ରମଣ କରିଛନ୍ତି । ଗତ ଜୁଲାଇ ୨୭ରେ ସେ ନିଜର ଏହି ସାଇକେଲ ଯାତ୍ରା ଆରମ୍ଭ କରିଥିଲେ ଓ ଏହି ସାଇକେଲ ଯାତ୍ରା ସମୟରେ ସେ ୨୦ଟି ସହର, ୨୦ଟି ଆଞ୍ଚଳିକ ପରିଷଦ ଅତିକ୍ରମ କରିଥିଲେ ଓ ପ୍ରାୟ ୫ ଲକ୍ଷ ମାଲେସୀୟ ମୁଦ୍ରା ସଂଗ୍ରହ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ମାଲେସିଆସ୍ଥିତ ମଣିପାଲ ଅନ୍ତର୍ଜାତୀୟ ବିଶ୍ୱବିଦ୍ୟାଳୟରେ କମ୍ପ୍ୟୁଟର ଆପ୍ଲିକେସନ ବିଭାଗରେ ସହକାରୀ ପ୍ରଫେସର ଭାବେ କାର୍ଯ୍ୟରତ ସମିମ ଓଡ଼ିଶାର ଭଦ୍ରକ ଜିଲ୍ଲାର ବାସିନ୍ଦା । ସେ ୨୦୧୬ରେ ବାଙ୍ଗାଲୁରୁରୁ କୋରାପୁଟକୁ ସାଇକେଲ ଯାତ୍ରା କରିଥିଲେ । ସେ ମଧ୍ୟ କଶ୍ମୀରରୁ କନ୍ୟାକୁମାରୀ ପର୍ଯ୍ୟନ୍ତ ସଂପୂର୍ଣ୍ଣ ଭାରତ ସାଇକେଲ ମାଧ୍ୟମରେ ଅତିକ୍ରମ କରିଛନ୍ତି ।