ପ୍ରଥମ ପ୍ରୟାସରେ ପ୍ରଥମ ହେଲେ ଆୟୁଷୀ : ଛାତ୍ରଛାତ୍ରୀଙ୍କୁ ମୂଲ୍ୟବାନ୍ ପରାମର୍ଶ ଦେଲେ ଓଏଏସ୍ ଟପ୍ପର
ଭୁବନେଶ୍ବର : ପ୍ରକାଶ ପାଇଛି ଓଏଏସ୍ ପରୀକ୍ଷା ଫଳ। ପ୍ରଥମ ପ୍ରୟାସରେ ପ୍ରଥମ ସ୍ଥାନ ଦଖଲ କରିଛନ୍ତି ଭୁବନେଶ୍ୱରର ଝିଅ ଆୟୁଷୀ ମହାପାତ୍ର।ସେ ବର୍ଷେ ହେଲା ଓଡିଶା ପ୍ରଶାସନିକ ସେବା ପାଇଁ ପ୍ରସ୍ତୁତ ହେଉଥିଲେ । ଆଉ ପ୍ରଥମ ପ୍ରୟାସରେ ସେ ଓଏଏସ ପାଇବା ସହ ଟପ୍ପର ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆୟୁଷୀ ଭୁବନେଶ୍ୱରର ନୂଆଗାଁ ସ୍କୁଲରୁ ମାଟ୍ରିକ ପାସ କରିଥିଲେ । ପରେ ବିଜେବି ଜୁନିୟର କଲେଜରେ ଯୁକ୍ତ ଦୁଇ ପଢିଥିଲେ । ମେକାନିକାଲ ଇଞ୍ଜିନିୟରିଂରେ ଆୟୁଷୀ ବି.ଟେକ୍ କରିଛନ୍ତି । ଏପରିକି ହାଇଦ୍ରାବାଦରେ ସେ ଦୁଇବର୍ଷ ପାଇଁ ଚାକିରି କରିଥିଲେ । ପରେ ଚାକିରି ଛାଡି ଓଡ଼ିଶା ପ୍ରଶାସନିକ ସେବା ପାଇଁ ଏକ ବର୍ଷ ହେଲା ପ୍ରସ୍ତୁତି କରୁଥିଲେ ।
ଆଜିକାଲି ଛାତ୍ରଛାତ୍ରୀମାନେ ସୋସିଆଲ ମିଡିଆରେ ସମୟ ଅତିବାହିତ କରିବାକୁ ଭଲ ପାଉଛନ୍ତି। ଏ ନେଇ ଛାତ୍ରଛାତ୍ରୀଙ୍କୁ ବଡ ପରାମର୍ଶ ଦେଇଛନ୍ତି ଓଏଏସ ଟପ୍ପର ଆୟୁଷୀ । ସେ କହିଛନ୍ତି, ସୋସିଆଲ ମିଡିଆର ଅତ୍ୟାଧିକ ବ୍ୟବହାର ପଢ଼ାରେ ବାଧା ସୃଷ୍ଟି କରିଥାଏ । ଆପଣ ଯଦି ଫେସବୁକ, ହ୍ୱାଟସଅପ ଓ ଟ୍ୱିଟର ପରି ସୋସିଆଲ ମିଡିଆର କବଳରେ ପଡିଯାନ୍ତି, ତାହା ହେଲେ ସେଥିରୁ ମୁକୁଳି ପାଠ ପଢାରେ ମନୋନିବେଶ କରିବା କଷ୍ଟକର ବ୍ୟାପାର । ସୋସିଆଲ ମିଡିଆ ଯଦି ଆପଣଙ୍କ ପ୍ରସ୍ତୁତିରେ କୌଣସି ବାଧକ ସାଜୁନାହିଁ ତେବେ ବ୍ୟବହାର କରିବାରେ କୌଣସି ଆପତ୍ତି ନାହିଁ ବୋଲି କହିଛନ୍ତି ଆୟୁଷୀ ।