୧ରୁ ଅନଲାଇନରେ ମିଳିବ ପ୍ରଦୂଷଣ ପ୍ରମାଣପତ୍ର, ଡିସେମ୍ବର ୧ରୁ କଡାକଡି ଯାଞ୍ଚ ହେବ, ସ୍ପଷ୍ଟ କଲେ ସରକାର
ଭୁବନେଶ୍ୱର : ଆସନ୍ତା ଅକ୍ଟୋବର ୧ ତାରିଖରୁ ଓଡ଼ିଶାରେ ଅନଲାଇନ ପ୍ରଦୂଷଣ ପ୍ରମାଣପତ୍ର (ପଲ୍ୟୁସନ ସାର୍ଟିଫିକେଟ୍ ) ବାଧ୍ୟତାମୂଳକ ହେବ । କେନ୍ଦ୍ର ସଡକ ପରିବହନ ଓ ରାଜମାର୍ଗ ମନ୍ତ୍ରାଳୟ ପକ୍ଷରୁ ଜାରି ଏ ସଂପର୍କିତ ନିୟମାବଳୀ ସାରା ଦେଶରେ ଗତ ଏପ୍ରିଲ ୧ରୁ ଲାଗୁ ହୋଇଥିବାବେଳେ ଓଡ଼ିଶାରେ ଲାଗୁ ହୋଇନଥିଲା । ଓଡ଼ିଶା ସରକାର ଏହାକୁ ୬ ମାସ ବିଳମ୍ବରେ ଅର୍ଥାତ ଅକ୍ଟୋବର ୧ରୁ ଲାଗୁ କରୁଛନ୍ତି । ଏ ନେଇ ଗତକାଲି ରାଜ୍ୟ ପରିବହନ କର୍ତ୍ତୃପକ୍ଷଙ୍କ ପକ୍ଷରୁ ନିର୍ଦ୍ଦେଶ ଦିଆଯିବା ପରେ ରାଜ୍ୟରେ ଗାଡି ମାଲିକମାନଙ୍କ ମନରେ ଛନକା ପଶିଯାଇଥିଲା । ଗତ କିଛି ଦିନ ଧରି ଘଣ୍ଟା ଘଣ୍ଟା ଲାଇନରେ ଛିଡାହୋଇ ବାହାର କରିଥିବାପ୍ରଦୂଷଣ ପ୍ରମାଣପତ୍ର କଣ ଅଚଳ ହୋଇଯିବ ? କଣ ଅକ୍ଟୋବର ୧ରୁ ପ୍ରଦୂଷଣ ପ୍ରମାଣପତ୍ର ବିନା ଗଣିବାକୁ ହେବ ହଜାର ହଜାର ଟଙ୍କାର ଜରିମାନା ?
Sambad is now on WhatsApp
Join and get latest news updates delivered to you via WhatsApp
As declared by Hon’ble CM, vehicle owners are advised to ready their documents including PUC certificate by end of Nov, 2019. From 1st Oct, 2019 issue of manual PUC certificate will stop & vehicle owners will get it online from PUC vendor. View your PUC validity in mParivahan app pic.twitter.com/oH51sx5Axy
— STA Odisha (@STAOdisha) September 24, 2019
ଏସବୁକୁ ନେଇ ରାଜ୍ୟ ପରିବହନ କର୍ତ୍ତୃପକ୍ଷଙ୍କ ପକ୍ଷରୁ କେତେକ ସ୍ପଷ୍ଟୀକରଣ ଜାରି କରାଯାଇଛି । ଏଥିରେ କୁହାଯାଇଛି ଯେ ମାନ୍ୟବର ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ଆସନ୍ତା ନଭେମ୍ବର ୩୦ ସୁଦ୍ଧା ଗାଡିର ସବୁ କାଗଜପତ୍ର ପ୍ରସ୍ତୁତ ରଖିବା ଲାଗି ଗାଡିମାଲିକମାନଙ୍କୁ କୁହାଯାଇଛି । ଏହାର ଅର୍ଥ ହେଉଛି ନଭେମ୍ବର ୩୦ ପରେ ହିଁ ପ୍ରଦୂଷଣ ପ୍ରମାଣପତ୍ର ଓ ଅନ୍ୟାନ୍ୟ କାଗଜପତ୍ର ଯାଞ୍ଚ କଡାକଡି କରାଯିବ । କେବଳ ଆସନ୍ତା ୧ ତାରିଖଠାରୁ ପ୍ରଦୂଷଣ ଯାଞ୍ଚ କେନ୍ଦ୍ରରେ ଆଉ ମାନୁଆଲ ପଲ୍ୟୁସନ ସାର୍ଟିଫିକେଟ୍ ବଦଳରେ ଅନଲାଇନରେ ପଲ୍ୟୁସନ ସାର୍ଟିଫିକେଟ୍ ପ୍ରଦାନ କରାଯିବ । ପିୟୁସି ଭେଣ୍ଡର ଏହାକୁ ଅନଲାଇନରେ ଗାଡିମାଲିକଙ୍କ ନିକଟକୁ ପଠାଇବେ । ଗାଡିମାଲିକମାନେ ଏମପରିବହନ ଆପରେ ନିଜ ପଲ୍ୟୁସନ ସାର୍ଟିଫିକେଟ୍ କୁ ଦେଖିପାରିବେ ।