ଗଠନ ହେଲା ପିସିସି କମିଟି, କଂଗ୍ରେସର ଏହି ନେତାମାନଙ୍କୁ ମିଳିଲା ବଡ ଦାୟିତ୍ୱ
ଭୁବନେଶ୍ୱର: ବହୁ ବାଦ ବିବାଦ ଭିତରେ ଶେଷରେ ଗଠନ ହୋଇଛି ପିସିସି କମିଟି । ଯେଉଁଥିରେ ୧୨ ଜଣ ନେତାଙ୍କୁ ଉପସଭାପତି ପଦ ମିଳିଥିବାବେଳେ ୨୦ ଜଣଙ୍କୁ ସାଧାରଣ ସମ୍ପାଦକ ଭାବେ ଦାୟିତ୍ୱ ପ୍ରଦାନ କରାଯାଇଛି । ଏଥିସହିତ ଏହି କମିଟିରେ ୪୬ ଜଣଙ୍କୁ ସମ୍ପାଦକ ପଦ ମଧ୍ୟ ଦିଆଯାଇଛି । କଂଗ୍ରେସ ସାଧାରଣ ସମ୍ପାଦକ କେ ସି ବେନୁଗୋପାଳ, କଂଗ୍ରେସ ସଭାପତିଙ୍କ ଅନୁମତି କ୍ରମେ ପ୍ରେସରିଲିଜ୍ ଜାରି କରି ଏହି ସୂଚନା ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହି କମିଟିରେ ସ୍ଥାନ ପାଇଥିବା ୧୨ ଜଣ ଉପସଭାପତିଙ୍କ ଭିତରେ ରହିଛନ୍ତି ଗଣେଶ୍ୱର ବେହେରା, ସନ୍ତୋଷ ସିଂ ସାଲୁଜା, ସରସ୍ୱତୀ ହେମ୍ବ୍ରମ୍, ଶିବାନନ୍ଦ ରାୟ, ସୁରେଶ ମହାପାତ୍ରଙ୍କ ଭଳି ଲୋକ । ସେହିପରି କିଶୋର ଚନ୍ଦ୍ର ତରାଇଙ୍କୁ ମଧ୍ୟ ଟ୍ରେଜରର ଭାବେ ଦାୟିତ୍ୱ ଦିଆଯାଇଛି ।
ଅନ୍ୟପଟେ ସତ୍ୟ ପ୍ରକାଶ ନାୟକ, କିଶୋର ଜେନା, ରବୀନ୍ଦ୍ର ମଲ୍ଲିକ, ସଂଗ୍ରାମ ମିଶ୍ର, ଲଲାଟେନ୍ଦୁ ମହାପାତ୍ର, ଅଶୋକ ଦାସଙ୍କ ଭଳି ନେତାଙ୍କୁ ସାଧାରଣ ସମ୍ପାଦକ ଭାବେ କମିଟିରେ ରଖାଯାଇଛି । ସେହିପରି ଏହି କମିଟିରେ ୪୬ ଜଣ ସମ୍ପାଦକ. ୩୨ ଜଣ ଏକ୍ସକୁଟିଭ୍ କମିଟି ମେମ୍ବରଙ୍କୁ ମଧ୍ୟ ସ୍ଥାନ ଦିଆଯାଇଛି ।