ପୁରୀ: କିଛି ଦିନର ବ୍ୟବଧାନ ପରେ ପୁଣି ପୁରୀ ବଜାରରେ ବୁଲିଲା ପ୍ରଶାସନର ବୁଲଡୋଜର । ଆଜି ମୋଚି ସାହିସ୍ଥିତ ମହୋଦଧି ମାର୍କେଟ୍ କମ୍ପ୍ଲେକ୍ସ ଦୋକାନକୁ ଭଙ୍ଗା ଯାଇଛି । ବିପଦସଂକୁଳ ଦୋକାନଗୁଡ଼ିକୁ ଭାଙ୍ଗିବା ନେଇ ପୂର୍ବରୁ ନୋଟିସ୍ ଦିଆଯାଇଥିଲା । ପ୍ରଶାସନର ନୋଟିସ ଆଧାରରେ ଦୋକାନୀ ଦୋକାନ ଖାଲି କରିବା ପରେ ଆଜି ଉଚ୍ଛେଦ କରାଯାଇଛି । ପ୍ରାୟ ୫୮ଟି ଦୋକାନ ଭାଙ୍ଗି ଦେଇଛି ପ୍ରଶାସନ ।
ତେବେ ପ୍ରଶାସନ ପକ୍ଷରୁ ଏହି ସ୍ଥାନରେ ଏକ ବହୁତଳ ବିଶିଷ୍ଟ ନୂତନ ମାର୍କେଟ୍ କମ୍ପ୍ଲେକ୍ସ ନିର୍ମାଣ କରାଯିବାକୁ ଲକ୍ଷ୍ୟ ରଖାଯାଇଛି । ଏଠାରେ ଅନ୍ୟ ସାମଗ୍ରୀ ଦୋକାନ ରହିବ । ଏହା ସହିତ ପାର୍କିଂ ବ୍ୟବସ୍ଥା ମଧ୍ୟ କରାଯିବ ବୋଲି ଯୋଜନା କରାଯାଇଛି । ଫଳରେ ରଥଯାତ୍ରା ସମୟରେ ପାର୍କିଂ ଅସୁବିଧା ଦୂର ହେବ । ତେବେ ପୁରୀକୁ ବିଶ୍ୱ ଐତିହ୍ୟ କରିବାକୁ ସରକାର ଯେଉଁ ଯୋଜନା ପ୍ରସ୍ତୁତ କରୁଛନ୍ତି ଏହା ତାହାର ଏକ ଅଂଶ ଅଟେ ।
Sambad is now on WhatsApp
Join and get latest news updates delivered to you via WhatsApp
ମହୋଦଧୀ ମାର୍କେଟ୍ କମ୍ପ୍ଲେକ୍ସରେ ଦୋକାନ କରିଥିବା ବ୍ୟକ୍ତିଙ୍କୁ ଅଗ୍ରାଧିକାର ଭତିରେ ମାର୍କେଟ୍ କମ୍ପେକ୍ସରେ ଦୋକାନ ଯୋଗାଇ ଦିଆଯିବ ବୋଲି ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି । ସେପଟେ ଥଇଥାନ କରିବା ପରେ ଉଚ୍ଛେଦ କରାଯାଇଥିଲେ ଭଲ ହୋଇଥାନ୍ତା ବୋଲି ସ୍ଥାନୀୟ ଦୋକାନୀ ପ୍ରତିକ୍ରିୟା ରଖିଛନ୍ତି ।